- Акъыл сабырлыкъ берир.
- Билмезни кёзю кёрмез, этмезни къулагъы эшитмез.
- Ургъан суудан башынгы сакъла.
- Телиге от эт десенг, юйюнге от салыр.
- Къарыусузгъа кюлме, онгсузгъа тийме.
- Эрни эр этерик да, къара джер этерик да, тиширыуду.
- Ашхы атаны – джашы ашхы, ашхы ананы – къызы ашхы.
- Шекер бла туз – бир болмаз, ушамагъан – юй болмаз.
- Билмейме деген – бир сёз
- Джашда акъыл джокъ, къартда къарыу джокъ.
- Кёб ант этген, кёб ётюрюк айтыр.
- Рысхы – сют юсюнде кёмюк кибикди.
- Тин – байлыгъынг, терен саулугъунг.
- Ач къарынны, токъ билмез
- Ашхы адам – халкъ байлыгъы, ашхы джер – джашау байлыгъы.
- Тойчу джашха къарама, къойчу джашха къара.
- Тил бла келеди джыр да.
- Джырына кёре эжиую.
- Джумушакъ терекни къурт ашар.
- Аман адам элни бир-бирине джау этер.
- Аз айтсам, кёб ангылагъыз.
- Ушамагъан – джукъмаз.
- Кёбню кёрген – кёб билир.
- Адамны джюреги нени кёрюрге сюйсе, кёзю да аны кёрюрге ёч болады.
- Билимли ёлмез, билимсиз кёрмез.
- Кёрмегеннге кебек – танг, битмегеннге сакъал – танг.
- Сабийни джумушха джибер да, ызындан бар.
- Ашыкъгъанны этеги бутуна чырмалыр.
- Атлыны ашхысы, ат тизгининден билинир
- Ашхы – джыяр, аман – джояр.
- Джаралыны джастыгъында сау ёлюр.
- Окъуу – билимни ачхычы, окъуу – дунияны бачхычы.
- Кесине гебен этелмеген, биреуге черен эте эди.
- Къулакъдан эсе, кёзге ышан.
- Байлыкъ болгъан джерде, тынчлыкъ джокъду.
- Къартха ушагъан джаш – акъыллы, джашха ушагъан къарт – тели.
- От этилмеген джерден тютюн чыкъмайды.
- Тай асырагъан, атха минер.
- Ёгюзню мюйюзлери ауурлукъ этмейдиле.
- Къозулугъунда тоймагъан, къойлугъунда тоймаз.
- Ёлюр джаннга, ёкюл джокъ.
- «Ма», - дегенни билмесенг, «бер», - дегенни билмезсе.
- Ишин билген, аны сыйын чыгъарады.
- Иши джокъну, сыйы джокъ.
- Алма терегинден кери кетмез.
- Эл ауузу – элия.
- Къонакъ аз олтурур, кёб сынар.
- Джогъун бар этген, барын бал этген.
- Бёрю да ач къалмасын, эчки да ашалмасын.
- Кирсизни – саны таза, халалны – къаны таза.
Финансовая академия при Правительстве Российской Федерации
|
www.fa.ru
|
|
|
|
|
прям таки обидно за алмаматер) можно подумать таулула там не водятся)) по донесениям разведки на первых курсах иги кесек кошулганла)) это я одна из первых и единственных на весь курс....)) вот Аллах айтса диплом получу через 2 месяца))) гЪы)))|
Тут не пусто))просто не услышали тебя)) на каком ты факультете?
|
||||
|
|
|
|||
Читают тему (гостей: 1)