- Сабийни джумушха джибер да, ызындан бар.
- Таш ата билмеген, башына урур.
- Къумурсхала джыйылсала, пилни да джыгъадыла.
- Бастасын ашагъан, хантусун да ичер.
- Окъугъанны бети джарыкъ.
- Окъумагъан сокъурду, сокъур ташха абыныр!
- Таукел къуру къалмаз.
- Ашхы тенг джолгъа салыр, аман тенг джолдан тайдырыр.
- Чомарт къолда мал къалмаз.
- Тёрени джагъы джокъ.
- Къуру гыбыт бек дыгъырдар.
- Къанны къан бла джуума, аманны аман бла къуума.
- Миллетни бойну – базыкъ, аны бла кюрешген – джазыкъ.
- Ашхылыкъ джерде джатмайды, аманлыкъ суугъа батмайды.
- Адамны джюреги нени кёрюрге сюйсе, кёзю да аны кёрюрге ёч болады.
- Айран тёгюлсе, джугъусу къалыр.
- Тамырсыз терекге таянма – джыгъылырса.
- Кютгени беш эчки, сызгъыргъаны уа, джерни джарады.
- Булут кёкге джарашыу, уят бетге джарашыу.
- Бир онгсуз адам адет чыгъарды, деб эштирик тюлсе.
- Къазанчы аман болса, къазаны къайнамаз.
- Кёб джат да, бек чаб.
- Тёзгеннге, джабылгъан эшик ачылыр.
- Керилген да, ургъан кибикди.
- Экеулен сёлеше тура эселе, орталарына барыб кирме.
- Терек ауса, отунчу – кёб.
- Чакъырылмай келген къонакъ сыйланмай кетер.
- Чабакъгъа акъыл, табагъа тюшсе келеди.
- Тойгъа алгъа да барма, тойда артха да къалма.
- Шекер бла туз – бир болмаз, ушамагъан – юй болмаз.
- Ишлерге уял да, ашаргъа табма.
- Хоншуну тауугъу къаз кёрюнюр, келини къыз кёрюнюр.
- Гырджын – тепсини тамадасы.
- Окъуу – билимни ачхычы, окъуу – дунияны бачхычы.
- Иги сеники эсе да, сюйген кесимикин этеме.
- Хар ишни да аллы къыйынды.
- Уллу сёзде уят джокъ.
- Сыфатында болмагъаны, суратында болмаз.
- Иги болса, тамадама – махтау, аман болса, меннге – айыб.
- Кёбню кёрген – кёб билир.
- Азыкълы ат арымаз, къатыны аман джарымаз.
- Тюз сёз баргъан сууну тыяр.
- Ёлген эшек бёрюден къоркъмайды.
- Ишлемеген – тишлемез.
- Эртде тургъан джылкъычыны эркек аты тай табар.
- Киштикге къанат битсе, чыпчыкъ къалмаз эди.
- Джарлыны эшигин махтагъан джабар.
- Ачыу алгъа келсе, акъыл артха къалады.
- Алтыда кюлмеген, алтмышда кюлмез.
- Джолунга кёре – джюрюшюнг, джагъанга кёре – юлюшюнг.
Пятигорский Государственный Лингвистический Университет
|
Studetn PGLU, fakultet francuzskogo yazika
|
||||
|
|
|
|||
Читают тему (гостей: 1)