- Эшекни не къадар тюйсенг да, ат болмаз.
- Джуртун къоругъан озар.
- Аякъларынгы джууургъанынга кёре узат.
- Ишин билген, аны сыйын чыгъарады.
- Тыш элде солтан болгъандан эсе, кесинги элде олтан болгъан игиди!
- Джангыз терек къынгыр ёсер.
- Айтылгъан буйрукъ, сёгюлмез
- Байлыкъ адамны сокъур этер.
- Ургъан суудан башынгы сакъла.
- Нёгер болсанг, тенг бол, тенг болмасанг, кенг бол.
- Хунаны тюбюн къазсанг, юсюнге ауар.
- Шекер бла туз – бир болмаз, ушамагъан – юй болмаз.
- Къоркъакъны кёзю экили кёрюр.
- Уллу къашыкъ эрин джыртар.
- Халкъны джырын джырласанг, халкъ санга эжиу этер.
- Уллу къазанда бишген эт, чий къалмаз.
- Уллу сёзде уят джокъ.
- Джаханимни кёрмей, джандетге кёл салмазса.
- Ариу сёз джыланны орнундан чыгъарыр.
- Узун джолну барсанг, бюгюн келирсе, къысха джолну барсанг, тамбла келирсе.
- Кесине оноу эте билмеген, халкъына да эте билмез.
- Тёгюлген тюгел джыйылмайды.
- Тенгни тенглиги джашай барсанг билинир.
- Джиби бир къат джетмей эди да, эки къат тарта эди.
- Адам сёзге тынгыла, акъыл сёзню ангыла.
- Джаралыны джастыгъында сау ёлюр.
- Арба аугъандан сора, джол кёргюзтюучю кёб болур.
- Чабакъ башындан чирийди.
- Мадар болса, къадар болур.
- Хар ишни да аллы къыйынды.
- Биреуню къыйынлыгъы бла кесинге джол ишлеме.
- Ашыкъгъанны этеги бутуна чырмалыр.
- Соргъан айыб тюлдю, билмеген айыбды.
- Босагъагъа джууукъ орун болса, ашыгъыб тёрге озма.
- Дженгил джетерикме деб, узун джолну къоюб, къысхасын барма.
- Керек ташны ауурлугъу джокъ.
- Таула не мийик болсала да, аууш табылыр.
- Сууда джау джокъ, кёб сёзде магъана джокъ.
- Уллу сёлешме да, уллу къаб.
- Иесиз малны бёрю ашар.
- Аджалсыз ёлюм болмаз.
- Таш ата билмеген, башына урур.
- Ёгюзню мюйюзлери ауурлукъ этмейдиле.
- Келлик заман – къартлыкъ келтирир, кетген заман – джашлыкъ ёлтюрюр.
- Ёлюк кебинсиз къалмаз.
- Ашхы сёз таш тешер.
- «Ёгюз, джаргъа джууукъ барма, меннге джюк боллукъса», - дегенди эшек.
- Джыгъылгъанны сырты джерден тоймаз.
- Бек анасы джыламаз.
- Аман адам элни бир-бирине джау этер.
Пятигорский Государственный Лингвистический Университет
|
Studetn PGLU, fakultet francuzskogo yazika
|
||||
|
|
|
|||
Читают тему (гостей: 1)