- Байдан умут эте, джарлыдан ёгюз багъасы къорады.
- Адам туугъан джеринде, ит тойгъан джеринде.
- Мухарны эси – ашарыкъда.
- Акъылсызны джууукъгъа алма, акъыллыны кенгнге салма.
- Къартны бурнун сюрт да, оноугъа тут.
- Къалгъан ишге къар джауар.
- Тулпарлыкъ, билекден тюл – джюрекден.
- Тенги кёбню джау алмаз, акъылы кёбню дау алмаз.
- Мадар болса, къадар болур.
- Хунаны тюбюн къазсанг, юсюнге ауар.
- Таш бла ургъанны, аш бла ур.
- Джангызны оту джарыкъ джанмаз!
- Чалманны аллы къалай башланса, арты да алай барады.
- Къыйынлы джети элни къайгъысын этер.
- Ариуну – ауруу кёб.
- Таугъа чыгъаллыкъ эсенг, тюзде къалма.
- Тёгюлген тюгел джыйылмайды.
- Байлыкъ болгъан джерде, тынчлыкъ джокъду.
- Кюн – узун, ёмюр – къысха.
- Туз, гырджын аша, тюзлюк бла джаша.
- Бет бетге къараса, бет да джерге къарар.
- Ишни ахырын ойламай, аллын башлама.
- Бичгенде ашыкъма, тикгенде ашыкъ.
- Къоркъакъны кёзю экили кёрюр.
- Ат басханны джер билед.
- Кенгеш болса, уруш болмаз.
- Джерни букъусу кёкге къонмаз.
- Тай асырагъан, атха минер.
- Ёгюзню мюйюзюнден тутадыла, адамны сёзюнден тутадыла.
- Ач къалгъандан, кеч къалгъан къолай.
- Мени джылытмагъан кюн, меннге тиймесин!
- Бир онгсуз адам адет чыгъарды, деб эштирик тюлсе.
- Атадан ёксюз – бир ёксюз, анадан ёксюз – эки ёксюз.
- Ышармагъан – кюлмез, кюлмеген – къууанчны билмез.
- Ичимден чыкъды хата, къайры барайым сата?
- Аджал соруб келмез, келсе, къайтыб кетмез.
- Ата Джуртча джер болмаз, туугъан элча эл болмаз.
- Игини сыйлагъан адетди.
- Уллу сёзде уят джокъ.
- Адамны бетине къарама, адетине къара.
- Иесиз малны бёрю ашар.
- Эллинг бла джау болсанг да, юйюнг бла джау болма.
- Ата – билек, ана – джюрек!
- Ана къолу ачытмаз.
- Акъыллы айтыр эди, акъылсыз къоймайды.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Таукел адам тау тешер.
- Ашатыргъа иш – ашхы, ишлетирге аш – ашхы.
- Тойгъа алгъа да барма, тойда артха да къалма.
- Ата – баланы уясы.
Пятигорский Государственный Лингвистический Университет
21.05.2005 00:17:17
Адрес
|
|
|
|
28.08.2005 08:11:49
Studetn PGLU, fakultet francuzskogo yazika
|
||||
|
|
|||
Читают тему (гостей: 1)