- Башсыз урчукъ тюзюне айланмаз.
- Къарт айтханны этмеген, къартаймаз.
- Адеб этмеген, адеб кёрмез.
- Джарлыны тону джаз битер.
- Джылкъыдан – ат чыгъар, тукъумдан – джаш чыгъар.
- Суугъа – таянма, джаугъа – ийнанма.
- Уясында не кёрсе, учханында аны этер.
- Байны къызы баймакъ болса да, юйде къалмаз!
- Аманнга игилик этсенг, юйюнге сау бармазса.
- Намысы болмагъанны, сыйы болмаз.
- Чакъырылгъанны аты, чакъырылмагъанны багъасы болур.
- Ауузу бла къуш тута айланады.
- Зар адамны насыбы болмаз.
- Дууулдаса – бал чибин, къонса – къара чибин.
- Агъач халкъгъа алтынды, иссиликге салкъынды.
- Джарлы тюеге минсе да, ит къабар.
- Олтуруб кёрюнмей эди да, ёрге туруб кёрюне эди.
- Ашыкъгъан cуу, тенгизге джетмез.
- Ауругъанны сау билмез, ач къарынны токъ билмез.
- Сакъламагъан затынга джолукъсанг, не бек къууанаса, не бек ачыйса.
- Узун джолну барсанг, бюгюн келирсе, къысха джолну барсанг, тамбла келирсе.
- Хар зат кесини орнуна иги.
- Уруну арты – къуру.
- Эр абынмай, эл танымаз.
- Кенгеш болса, уруш болмаз.
- Миллетни бойну – базыкъ, аны бла кюрешген – джазыкъ.
- Аууз сакълагъан – джан сакълар.
- Ата – билек, ана – джюрек!
- Юй кюйдю да, кюйюз чыкъды, ортасындан тюйюш чыкъды.
- Аман адамны тепсинге олтуртсанг, къызынгы тилер.
- Этни да ашады, бетни да ашады.
- Къарт бла баш аша, джаш бла аякъ аша.
- Шайтан алдады, тюзлюк къаргъады.
- Адамгъа аман кюн соруб келмейди.
- Иги джашны ышаны – аз сёлешиб, кёб тынгылар.
- Борчунг бар эсе, хурджунунга ойлаб узал.
- Тил джюрекге джол ишлейди.
- Оюмсуз атлагъан, аджалсыз ёлюр.
- Къуру гыбыт бек дыгъырдар.
- Окъугъан озар, окъумагъан тозар.
- Баш болса, бёрк табылыр.
- Эрине къаргъыш этген къатын, эрнин къабар.
- Биреу ашаб къутулур, биреу джалаб тутулур.
- Айырылгъанланы айю ашар, бёлюннгенлени бёрю ашар.
- Тойгъандан сора, ашны сёкме.
- Ичимден чыкъды хата, къайры барайым сата?
- Хатерли къул болур.
- Алтыда кюлмеген, алтмышда кюлмез.
- Уллу атлама – абынырса, уллу къабма – къарылырса.
- Садакъачыны джаны – къапчыгъында.
Внимание!!!Срочно!!!Сдаю комнату в Москве!
Читают тему (гостей: 1)