- Кесине оноу эте билмеген, халкъына да эте билмез.
- Мураты болгъанны джюрек тебюую башхады.
- Чакъырылмагъан джерге барма, чакъырылгъан джерден къалма.
- Тенгни тенглиги джашай барсанг билинир.
- Ашхы атаны – джашы ашхы, ашхы ананы – къызы ашхы.
- Элиб деген, элге болушур.
- Бек ашыкъгъан меннге джетсин, дегенди аракъы.
- Сёз садакъдан кючлюдю.
- Бал ашаргъа сюе эсенг, чибин ургъаннга тёз.
- Джаралыны джастыгъында сау ёлюр.
- Дуния аламаты сен эсенг да, игиме деб айтма.
- Нёгер болсанг, тенг бол, тенг болмасанг, кенг бол.
- Эки элинги тыйсанг, джети элде махталырса.
- Сангырау къулакъ эл бузар.
- Тешигини къатында, чычхан да батыр болур.
- Билмезни кёзю кёрмез, этмезни къулагъы эшитмез.
- Аш кетер да бет къалыр.
- Магъанасыз сёз – тауушсуз сыбызгъы.
- Сабий болмагъан джерде, мёлек болмаз.
- Керек ташны ауурлугъу джокъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Сескекли кесин билдирир.
- Босагъагъа джууукъ орун болса, ашыгъыб тёрге озма.
- Тамырсыз терекге таянма – джыгъылырса.
- Берекет берсин деген джерде, берекет болур.
- Джолунга кёре – джюрюшюнг, джагъанга кёре – юлюшюнг.
- Аманнга да, игиге да оноусуз къатышма.
- Адамны сабийин сюйген джюреги, бычакъча, джитиди.
- Акъыл сабырлыкъ берир.
- Биреуню эскиси биреуге джангы болмайды.
- Кёлсюзден сёзсюз тууар.
- Джукъу тёшек сайламайды.
- Ишлегенден, къарагъан уста.
- Джашны джигитлиги сорулур, къызны джигерлиги сорулур.
- Адеб джокъда, намыс джокъ.
- Кёбден умут этиб, аздан къуру къалма.
- Акъыллы айтыр эди, акъылсыз къоймайды.
- Тёрени джагъы джокъ.
- Аш берме да, къаш бер.
- Къонакъ хазыр болгъанлыкъгъа, къонакъбай хазыр тюлдю.
- Ариу сёз джыланны орнундан чыгъарыр.
- Аман адамны тепсинге олтуртсанг, къызынгы тилер.
- Кеси юйюмде мен да ханма.
- Биреуге аманлыкъны тилеме да, кесинге ашхылыкъны тиле.
- Эки итни арасына сюек атма, эки адамны арасында сёз чыгъарма.
- Хата – гитчеден.
- Сакъламагъан затынга джолукъсанг, не бек къууанаса, не бек ачыйса.
- Ач уят къоймаз.
- Баш болса, бёрк табылыр.
- Суугъа – чабакъ, къаягъа – ыргъакъ.
Разница между испытанием и наказанием...
Читают тему (гостей: 1)