- Акъыл къартда, джашда тюйюлдю – башдады.
- Экеу тутушса, биреу джыгъылыр.
- Джогъун бар этген, барын бал этген.
- Нарт сёз къарт болмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Иги – алгъыш этер, аман – къаргъыш этер.
- Насыб бютеу халкъны юлюшюдю.
- Нарт сёз – тилни бети.
- Джарлы эскисин джамаса, къууаныр.
- Аман хансны – урлугъу кёб.
- Кёзю сокъурдан – къоркъма, кёлю сокъурдан – къоркъ.
- Ёлген эшек бёрюден къоркъмайды.
- Джаш къарыу бла кючлю, къарт акъыл бла кючлю.
- Ариу джол аджал келтирмез.
- Насыблы элин сюер, насыбсыз кесин сюер.
- Ишин билген, аны сыйын чыгъарады.
- От этилмеген джерден тютюн чыкъмайды.
- Ургъан суудан башынгы сакъла.
- Эркишиге тары кебек танг кёрюнюр.
- Нёгер болсанг, тенг бол, тенг болмасанг, кенг бол.
- Тамбла алтындан бюгюн багъыр ашхы.
- Джаз бир кюнню джатсанг, къыш талай кюнню абынырса.
- Суу да къайтады чыкъгъан джерине.
- Джуртун къоругъан озар.
- Хар зат кесини орнуна иги.
- Тилчи бир сагъатха айлыкъ хата этер.
- Тюзню ётмеги тюзде къалса да, тас болмаз.
- Агъач – джерни чырайы, кийим – эрни чырайы.
- Уллу суу бла уллу ауруудан башынгы сакъла.
- Акъыллы айтыр эди, акъылсыз къоймайды.
- Шапа кёб болса, аш татымсыз болур.
- Адам сёзюнден белгили.
- Суугъа – чабакъ, къаягъа – ыргъакъ.
- Къарт болгъан джерде, берекет болур, сабий болгъан джерде, оюн болур.
- Гырджын – тепсини тамадасы.
- Къызны минг тилер, бир алыр.
- Ашына кёре табагъы, балына кёре къалагъы.
- Тёгюлген тюгел джыйылмайды.
- Джарлы джети элни сёзюн этер.
- Къулакъдан эсе, кёзге ышан.
- Ашлыкъ – бюртюкден, джюн – тюкден.
- Алим болгъандан эсе, адам болгъан къыйынды.
- Кёз – сюйген джерде, къол – ауругъан джерде.
- Элде адам къалмаса, ит тахтагъа минер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тойгъа барсанг, тоюб бар, эски тонунгу къоюб бар.
- Экеулен сёлеше тура эселе, орталарына барыб кирме.
- Ёзденликни кёбю ётюрюк.
- Ач къарным, тынч къулагъым.
- Суу кетер, таш къалыр.
