- Къыйынлы джети элни къайгъысын этер.
- Нарт сёз – тилни бети.
- Кесине оноу эте билмеген, халкъына да эте билмез.
- Эрине къаргъыш этген къатын, эрнин къабар.
- Ач бёрюге мекям джокъ.
- Сабий кёргенин унутмаз.
- Ойнай билмеген, уруб къачар.
- Къанны къан бла джуума, аманны аман бла къуума.
- Джукъу тёшек сайламайды.
- Сакъ юйюне сау барыр.
- Ашхы атаны – джашы ашхы, ашхы ананы – къызы ашхы.
- Эте билген, этген этеди, эте билмеген, юретген этеди!
- Иги адамны бир сёзю эки болмаз.
- Сёз садакъдан кючлюдю.
- Акъыл неден да кючлюдю.
- Кёлю джокъну – джолу джокъ.
- Чакъырылгъанны аты, чакъырылмагъанны багъасы болур.
- Башланнган иш битер, къымылдагъан тиш тюшер.
- «Ма», - дегенни билмесенг, «бер», - дегенни билмезсе.
- Акъылсызны джууукъгъа алма, акъыллыны кенгнге салма.
- Джашда акъыл джокъ, къартда къарыу джокъ.
- Ёпкелегенни ашы татлы болады.
- Джыланны къуйругъундан басарынг келсе, аны башы болгъанын унутма.
- Ёнгкюч къууана барыр, джылай келир.
- Кёбге таш атма.
- Тин – байлыгъынг, терен саулугъунг.
- Биреуге кёлтюрген таягъынг, кесинги башынга урур.
- Кёз – сюйген джерде, къол – ауругъан джерде.
- Нёгер болсанг, тенг бол, тенг болмасанг, кенг бол.
- Ашда уялгъан – мухар, ишде уялгъан – хомух.
- Билмегенинги, билгеннге сор.
- Кечеси – аяз, кюню – къыш, джарлы къаргъагъа бир аш тюш!
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Окъугъанны бети джарыкъ.
- Къралынгы – душмандан, башынгы от бла суудан сакъла.
- Ётген ёмюр – акъгъан суу.
- Акъыллы эркиши атын махтар, акъылсыз эркиши къатынын махтар.
- Элиб деген, элге болушур.
- Тили узунну, намысы – къысха.
- Джангызны оту джарыкъ джанмаз!
- Харам къарнашдан, халал тенг ашхы.
- Кийимни бичсенг, кенг бич, тар этген къыйын тюлдю.
- Кюлме джашха – келир башха.
- Къарыусузгъа кюлме, онгсузгъа тийме.
- Ашлыкъны арба юйге келтирир, чана базаргъа элтир.
- Баш – акъыл ючюн, акъылман – халкъ ючюн.
- Иши джокъну, сыйы джокъ.
- Джашлыкъ этмеген, башлыкъ этмез.
- Аш иеси бла татлыды.
- Орундукъ тюбюнде атылсам да, орта джиликме, де да айлан.
