- Ашхы болсанг, атынг чыгъар, аман болсанг, джанынг чыгъар.
- Айныгъанлы алты кюн, тогъайгъанлы тогъуз кюн.
- Ёлген аслан – сау чычхан.
- Джерни букъусу кёкге къонмаз.
- Юй кюйдю да, кюйюз чыкъды, ортасындан тюйюш чыкъды.
- Ата джурт – алтын бешик.
- Иги джашны ышаны – аз сёлешиб, кёб тынгылар.
- Аман киши кеси юйюнде – къонакъ.
- Чабакъгъа акъыл, табагъа тюшсе келеди.
- Элге къуллукъ этмеген, элге ие болмаз.
- Эркишини аманы тиширыуну джылатыр.
- Ашаса, ашамаса да, бёрюню ауузу – къан.
- Акъыл аздырмаз, билим тоздурмаз.
- Бети къызарыучу адамны, джюреги харам болмаз.
- Тили узунну, намысы – къысха.
- Аман адам элни бир-бирине джау этер.
- Джюрекден джюрекге джол барды.
- Къаллай салам берсенг, аллай джууаб алырса.
- Эли джокъну – кёлю джокъ.
- Ачлыкъда тары гырджын халыуадан татлы.
- Ана къолу ачытмаз.
- Ариу сёз джыланны орнундан чыгъарыр.
- Акъыл неден да кючлюдю.
- Хатерли къул болур.
- Ёлмесенг да, къарт дамы болмазса?
- Таукел адам тау тешер.
- Гитче джилтин уллу элни джандырыр.
- Окъугъанны бети джарыкъ.
- Рысхы джалгъанды: келген да этер, кетген да этер.
- Хаухну атма, ёнгкючню сатма.
- Айтылгъан буйрукъ, сёгюлмез
- Ишге юренсин къоллары, халкъ бла болсун джоллары.
- Ёлген ийнек сютлю болур.
- Къартны сыйын кёрмеген, къартлыгъында сыйлы болмаз.
- Сагъышы джокъ – джукъучу, акъылы джокъ – къаугъачы.
- Бет бетге къараса, бет да джерге къарар.
- Алтыннга тот къонмаз.
- Гугурук къычырмаса да, тангны атары къалмаз.
- Бек анасы джыламаз.
- Ач отунчуну ачыуу – бурнунда.
- Ёпкелегенни ашы татлы болады.
- Тели турса – той бузар.
- Тойгъан джерге джети къайт.
- Намыс болмагъан джерде, насыб болмаз.
- Кеси юйюмде мен да ханма.
- Биреу ашаб къутулур, биреу джалаб тутулур.
- Тамырсыз терекге таянма – джыгъылырса.
- Бети бедерден, намыс сакълама.
- Къоркъакъны кёзю экили кёрюр.
- Эки итни арасына сюек атма, эки адамны арасында сёз чыгъарма.
