- Ёксюзню къалачы уллу кёрюнюр.
- Тили узунну, намысы – къысха.
- Кёб ант этген, кёб ётюрюк айтыр.
- Намыс сатылыб алынмайды.
- Къатын байлыкъны сюер, эр саулукъну сюер.
- Чомарт къолда мал къалмаз.
- Ишин билген, аны сыйын чыгъарады.
- Сууда джау джокъ, кёб сёзде магъана джокъ.
- Ачлыкъ отха секиртир.
- Аджал соруб келмез, келсе, къайтыб кетмез.
- Билген билмегенни юретген адетди.
- Сёз – кюмюш, джыр – алтын.
- Джахил болса анасы, не билликди баласы?
- Босагъа таш юйге кирмей эди, тыбыр таш эшикге чыкъмай эди.
- Соргъан айыб тюлдю, билмеген айыбды.
- Ауругъан – джашаудан умутчу.
- Сормай – алма, чакъырылмай – барма.
- Эр абынмай, эл танымаз.
- Аман къатын сабий табса, бий болур…
- Чарсда алчыны эл кёреди.
- Келгинчи, къонакъ уялыр, келгенден сора, къонакъбай уялыр.
- Ашыкъгъанны этеги бутуна чырмалыр.
- Айтылгъан буйрукъ, сёгюлмез
- Аууз сакълагъан – джан сакълар.
- Адебни адебсизден юрен.
- Аман адам этегингден тутса, кес да къач.
- Джырына кёре эжиую.
- Телиге акъыл салгъандан эсе, ёлгеннге джан салырса.
- Джашлыкъ этмеген, башлыкъ этмез.
- Ёзденликни кёбю ётюрюк.
- Адамны аманы адамны бети бла ойнар.
- Джолда аягъынга сакъ бол, ушакъда тилинге сакъ бол.
- Ашхы – джыяр, аман – джояр.
- Тамчы таш тешер.
- Ашда – бёрю, ишде – ёлю.
- Махтаннган къыз, тойда джукълар.
- Тулпарлыкъ, билекден тюл – джюрекден.
- Къалгъан ишге къар джауар.
- Ишни ахырын ойламай, аллын башлама.
- Окъумагъан сокъурду, сокъур ташха абыныр!
- Иги сёз – джаннга азыкъ, аман сёз башха – къазыкъ.
- Суу да къайтады чыкъгъан джерине.
- Бал чибинни ургъаны – ачы, балы – татлы.
- «Ёгюз, джаргъа джууукъ барма, меннге джюк боллукъса», - дегенди эшек.
- Къуллукъчума, деб махтанма, къуллукъ – хаух джамчыды!
- Адамны артындан къара сабан сюрме.
- Къарт болгъан джерде, берекет болур, сабий болгъан джерде, оюн болур.
- Ата – баланы уясы.
- Къонагъы джокъну – шоху джокъ.
- Джылкъыдан – ат чыгъар, тукъумдан – джаш чыгъар.
