- Чакъырылмагъан къонакъ – орунсуз.
- Окъумагъан сокъурду, сокъур ташха абыныр!
- Игилик игилик бла сингдирилиучю затды.
- Биреу ашаб къутулур, биреу джалаб тутулур.
- Атлыны ашхысы, ат тизгининден билинир
- Ашхылыкъ джерде джатмайды, аманлыкъ суугъа батмайды.
- Къулакъдан эсе, кёзге ышан.
- Ишлегенде эринме, ишде чолакъ кёрюнме.
- Ана къолу ачытмаз.
- Эркишини аманы тиширыуну джылатыр.
- Къарнынг бла ёч алма.
- Тойгъан джерден туугъан джер игиди.
- Къайгъыны сюйген, къайгъы табар.
- Акъыл сабырлыкъ берир.
- Бир онгсуз адам адет чыгъарды, деб эштирик тюлсе.
- Танг атмайма десе да, кюн къоярыкъ тюйюлдю.
- Айтханы чапыракъдан ётмеген.
- Зарда марда джокъ.
- Юйлю уругъа ит чабмаз.
- Кийим тукъум сордурур.
- Сибиртки да сыйлы болду, кюрек да кюнлю болду.
- Зар адам ашынгы ашар, кесинги сатар.
- Чомартны къолун джокълукъ байлар.
- Сютню башын джалагъан къутулур, тюбюн ичген тутулур.
- Дженгил джетерикме деб, узун джолну къоюб, къысхасын барма.
- Шапа кёб болса, аш татымсыз болур.
- Къыз тиширыу кеси юйюнде да къонакъды.
- Джырына кёре эжиую.
- Ач да бол, токъ да бол – намысынга бек бол.
- Къолу уллу – асыу, аягъы уллу – джарсыу.
- Тешигини къатында, чычхан да батыр болур.
- Киштикге къанат битсе, чыпчыкъ къалмаз эди.
- Ашаса, ашамаса да, бёрюню ауузу – къан.
- Кёл – къызбай, къол – батыр.
- Кёб къычыргъандан – къоркъма, тынч олтургъандан – къоркъ.
- Ичимден чыкъды хата, къайры барайым сата?
- Ишни аллы бла къууанма да, арты бла къууан.
- Экеулен сёлеше тура эселе, орталарына барыб кирме.
- Ариу джол аджал келтирмез.
- Сангырау къулакъ эл бузар.
- Намысы джокъну – дуниясы джокъ.
- Абынмазлыкъ аякъ джокъ, джангылмазлыкъ джаякъ джокъ.
- Чабакъ башындан чирийди.
- Къолунгдан къуймакъ ашатсанг да, атаны борчундан къутулмазса.
- Джыгъылгъанны сырты джерден тоймаз.
- Аджашханны ызындагъы кёреди, джангылгъанны джанындагъы биледи.
- Билеги кючлю, бирни джыгъар, билими кючлю, мингни джыгъар.
- Хаухну атма, ёнгкючню сатма.
- Рысхысына кёре, джаш ёсер, къышлыгъына кёре, мал ёсер.
- Артына баргъанны, къатына барма.
