- Ишлерге уял да, ашаргъа табма.
- Кёбге таш атма.
- Билим къая тешер.
- Ичимден чыкъды хата, къайры барайым сата?
- Аджашханны ызындагъы кёреди, джангылгъанны джанындагъы биледи.
- Ариу джол аджал келтирмез.
- Бети къызарыучу адамны, джюреги харам болмаз.
- Бёрю да ач къалмасын, эчки да ашалмасын.
- Айранны сюйген, ийнек тутар.
- Бетинги сатма, малынгы сат.
- Тешигини къатында, чычхан да батыр болур.
- Бети бедерден, намыс сакълама.
- Ёмюрлюк шохлукъну джел элтмез.
- Иги сеники эсе да, сюйген кесимикин этеме.
- Кёлю джокъну – джолу джокъ.
- Чалманны аллы къалай башланса, арты да алай барады.
- Тилсиз миллет джокъ болур.
- Намысы болмагъанны, сыйы болмаз.
- Ауругъанны сау билмез, ач къарынны токъ билмез.
- Адамны адамлыгъы къыйынлыкъда айгъакъланады.
- Накъырда – кертини келечиси.
- Къызбайны юйюне дери сюрсенг, батыр болур.
- Ач къалгъандан, кеч къалгъан къолай.
- Кюлме джашха – келир башха.
- Кёл – къызбай, къол – батыр.
- Байны къызы баймакъ болса да, юйде къалмаз!
- Билген билмегенни юретген адетди.
- Гугук кесини атын айтыб къычыргъанча, мен, мен деб нек тураса?
- Тулпарлыкъ, билекден тюл – джюрекден.
- Кёрмегеннге кебек – танг, битмегеннге сакъал – танг.
- Мураты болгъанны джюрек тебюую башхады.
- Эркиши – от, тиширыу – суу.
- Ачлыкъда тары гырджын халыуадан татлы.
- Ханнга да келеди хариблик.
- Бал чибинни ургъаны – ачы, балы – татлы.
- Къонакъ аман болса, къонакъбай джунчур
- Сормай – алма, чакъырылмай – барма.
- Эте билген, этген этеди, эте билмеген, юретген этеди!
- Асхат ашлыкъ сата, юйдегиси ачдан къата.
- Гыдай эчки суугъа къараб, мюйюзле кёрмесе, джашма алкъын, дегенди.
- Биреуге кёлтюрген таягъынг, кесинги башынга урур.
- Чакъырылмагъан къонакъ – орунсуз.
- Тиширыусуз юй – отсуз от джагъа.
- Сёз къанатсыз учар.
- Баш болса, бёрк табылыр.
- Миллетни бойну – базыкъ, аны бла кюрешген – джазыкъ.
- Таякъ этден ётер, тил сюекден ётер.
- Суу кетер, таш къалыр.
- Ашыкъгъан cуу, тенгизге джетмез.
- Чомарт бергенин айтмаз.
Где в Москве делают никях?
|
Да,в Москве
|
|
|
|
|
Читают тему (гостей: 1)