- Билим ат болуб да чабар, къуш болуб да учар.
- Къарнынг тойгъунчу аша да, белинг талгъынчы ишле.
- Арба аугъандан сора, джол кёргюзтюучю кёб болур.
- Сёз садакъдан кючлюдю.
- Хоншуну тауугъу къаз кёрюнюр, келини къыз кёрюнюр.
- Узун джолну барсанг, бюгюн келирсе, къысха джолну барсанг, тамбла келирсе.
- Адам туугъан джеринде, ит тойгъан джеринде.
- Хунаны тюбюн къазсанг, юсюнге ауар.
- Джаш къарыу бла кючлю, къарт акъыл бла кючлю.
- Ёлюк кебинсиз къалмаз.
- Ач къалгъандан, кеч къалгъан къолай.
- Азыкъ аз болса, эртде орун сал.
- Адеби болмагъан къыз – тузсуз хант.
- Намысы джокъну – дуниясы джокъ.
- Нёгерсизни джолу узун.
- Чакъырылмай келген къонакъ сыйланмай кетер.
- Бозанг болмагъан джерге, къалагъынгы сукъма.
- Сютден ауузу кюйген, суугъа юфгюре эди.
- Гыдай эчки суугъа къараб, мюйюзле кёрмесе, джашма алкъын, дегенди.
- Джиби бир къат джетмей эди да, эки къат тарта эди.
- Айырылмаз джууугъунга, унутмаз сёзню айтма.
- Ачлыкъ отха секиртир.
- Тулпарлыкъ, билекден тюл – джюрекден.
- Къонагъынгы артмагъын алма да, алгъышын ал.
- Аманнга алтын чыдамаз.
- Хата – гитчеден.
- Ёпкелегенни ашы татлы болады.
- Рысхы – сют юсюнде кёмюк кибикди.
- Билимли ёлмез, билимсиз кёрмез.
- Биреуге аманлыкъ этиб, кесинге игилик табмазса.
- Тилчиден кери бол.
- Чабакъ башындан чирийди.
- Аман къатын алгъан, арыр, иги къатын алгъан джарыр.
- Элни кючю – эмеген.
- «Ма», - дегенни билмесенг, «бер», - дегенни билмезсе.
- Махтаннган къыз, тойда джукълар.
- Тёзген – тёш ашар!
- Мухар, кеси тойса да, кёзю тоймаз.
- Эллинг бла джау болсанг да, юйюнг бла джау болма.
- Эл ауузу – элия.
- Ашлыкъны арба юйге келтирир, чана базаргъа элтир.
- Къарнынг къанлынга кийирир.
- Джарашыу сюйген – джалынчакъ.
- Шекер бла туз – бир болмаз, ушамагъан – юй болмаз.
- Акъдан къара болмаз.
- Ишлемеген – тишлемез.
- Джашда акъыл джокъ, къартда къарыу джокъ.
- Аман адамны тепсинге олтуртсанг, къызынгы тилер.
- Кечеси – аяз, кюню – къыш, джарлы къаргъагъа бир аш тюш!
- Садакъачыны джаны – къапчыгъында.
Где в Москве делают никях?
|
Да,в Москве
|
|
|
|
|
Читают тему (гостей: 1)