- Джырына кёре эжиую.
- Къралынгы – душмандан, башынгы от бла суудан сакъла.
- Узун джолну барсанг, бюгюн келирсе, къысха джолну барсанг, тамбла келирсе.
- Тили узунну, намысы – къысха.
- Башланнган иш битер, къымылдагъан тиш тюшер.
- Тойгъа алгъа да барма, тойда артха да къалма.
- Эки ойлашыб, бир сёлешген.
- Ёмюрлюк шохлукъну джел элтмез.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Кирсизни – саны таза, халалны – къаны таза.
- Элде адам къалмаса, ит тахтагъа минер.
- Кёбню кёрген – кёб билир.
- Джерни букъусу кёкге къонмаз.
- Акъыллы эркиши атын махтар, акъылсыз эркиши къатынын махтар.
- Чомартха хар кюн да байрамды.
- Бетинги сатма, малынгы сат.
- Тулпарлыкъ, билекден тюл – джюрекден.
- Адамны сабийин сюйген джюреги, бычакъча, джитиди.
- Аман киши кеси юйюнде – къонакъ.
- Ариу сёз – къылычдан джити.
- Биреуню тёрюнден, кесинги эшик артынг игиди.
- Эр сокъур болсун, къатын тилсиз болсун.
- Тёрени джагъы джокъ.
- Болджал ишни бёрю ашар.
- Джол бла сёзню къыйыры джокъ.
- Билим ат болуб да чабар, къуш болуб да учар.
- Джашда акъыл джокъ, къартда къарыу джокъ.
- Бек ашыкъгъан меннге джетсин, дегенди аракъы.
- Кёрмегеннге кебек – танг, битмегеннге сакъал – танг.
- Эки элинги тыйсанг, джети элде махталырса.
- Тойгъан джерге джети къайт.
- Тил – миллетни джаны.
- Аллахдан тилесенг, кёб тиле.
- Ауругъанны сау билмез, ач къарынны токъ билмез.
- Ышармагъан – кюлмез, кюлмеген – къууанчны билмез.
- Ойнай билмеген, оюн бузар.
- Ата – билек, ана – джюрек!
- Сакъ юйюне сау барыр.
- Айтылгъан сёз ызына къайтмаз.
- Аякъларынгы джууургъанынга кёре узат.
- Игиге айтсанг – билир, аманнга айтсанг – кюлюр.
- Къозулугъунда тоймагъан, къойлугъунда тоймаз.
- Ауузу бла къуш тута айланады.
- Иги адам абынса да, джангылмаз.
- Джарлы тюеге минсе да, ит къабар.
- Джыгъылгъанны сырты джерден тоймаз.
- Ёзденликни кёбю ётюрюк.
- Джырчы ёлсе, джыры къалыр.
- Киштикге къанат битсе, чыпчыкъ къалмаз эди.
- Таякъ этден ётер, тил сюекден ётер.
Где в Москве делают никях?
|
Да,в Москве
|
|
|
|
|
Читают тему (гостей: 1)