- Адамгъа аман кюн соруб келмейди.
- Илму – джашауну джолу.
- Ата Джуртун танымагъан, атасын да танымаз.
- Аш иеси бла татлыды.
- Тешик этген тынчды, аны джамагъан къыйынды.
- Хансыз джомакъ болмаз.
- Халкъны юйю – туугъан джери.
- Кютгени беш эчки, сызгъыргъаны уа, джерни джарады.
- Мал кёб болса, джууукъ кёб болур.
- Тёрдеги кюлсе, эшикдеги ышарыр.
- Билимли ёлмез, билимсиз кёрмез.
- Къуллукъчума, деб махтанма, къуллукъ – хаух джамчыды!
- Кюлме джашха – келир башха.
- Къая джолда джортма, ачыкъ сёзден къоркъма.
- Биреуню эскиси биреуге джангы болмайды.
- Джангыз терек къынгыр ёсер.
- Къызгъанчдан ычхыныр, мухардан ычхынмаз.
- Чомартны къолун джокълукъ байлар.
- Мени джылытмагъан кюн, меннге тиймесин!
- Хар зат кесини орнуна иги.
- Ауругъаннга – кийик саулукъ, джетген къызгъа – чилле джаулукъ.
- Эртде тургъан бла эртде юйленнген сокъуранмаз.
- Урунуу – насыбны анасы.
- Танг атмайма десе да, кюн къоярыкъ тюйюлдю.
- Адеб джокъда, намыс джокъ.
- Къарнынг къанлынга кийирир.
- Ашарыкъда сайлагъаннга – чий гырджын.
- Иги джашны ышаны – аз сёлешиб, кёб тынгылар.
- Кесинг сынамагъан затны, адамгъа буюрма.
- Эл тойса, тоймагъан, эл къойса, къоймагъан.
- Тыш элде солтан болгъандан эсе, кесинги элде олтан болгъан игиди!
- Ата – билек, ана – джюрек!
- Эркишини аманы тиширыуну джылатыр.
- Адеб этмеген, адеб кёрмез.
- Джерни букъусу кёкге къонмаз.
- Суугъа – чабакъ, къаягъа – ыргъакъ.
- Ашлыкъны арба юйге келтирир, чана базаргъа элтир.
- Гырджын – тепсини тамадасы.
- Билгенни къолу къарны джандырыр.
- Джюрек кёзден алгъа кёрюр.
- Насыблы элин сюер, насыбсыз кесин сюер.
- Акъыллы башны – тили къысха.
- Тёгюлген тюгел джыйылмайды.
- Кюн кёрмеген, кюн кёрсе, кюндюз чыракъ джандырыр.
- Телиге от эт десенг, юйюнге от салыр.
- Баш – акъыл ючюн, акъылман – халкъ ючюн.
- Сакъалы текени да бар, мыйыгъы киштикни да бар.
- Садакъачыны джаны – къапчыгъында.
- Къуру гыбыт бек дыгъырдар.
- Ишленмеген джаш – джюгенсиз ат, ишленмеген къыз – тузсуз хант.
