- Юреннген ауруу къалмаз.
- Къобан да къуру да къобханлай турмайды, адам да къуру да патчахлай турмайды.
- Баш болса, бёрк табылыр.
- Джарлы тюеге минсе да, ит къабар.
- Кёзю сокъурдан – къоркъма, кёлю сокъурдан – къоркъ.
- Чабар ат – джетген къыз.
- Рысхы джалгъанды: келген да этер, кетген да этер.
- Тили узунну, намысы – къысха.
- Джашны джигитлиги сорулур, къызны джигерлиги сорулур.
- Сакъалы текени да бар, мыйыгъы киштикни да бар.
- Джигер – джаннга къыйынлыкъ.
- Ётюрюкден тюбю джокъ, кёлтюрюрге джиби джокъ.
- Ишни аллы бла къууанма да, арты бла къууан.
- Нафысынгы айтханын этме, намысынгы айтханын эт.
- Тау башында, тау болмаз, джангыз терек, бау болмаз.
- Кютгени беш эчки, сызгъыргъаны уа, джерни джарады.
- Юй кюйдю да, кюйюз чыкъды, ортасындан тюйюш чыкъды.
- Ана къолу ачытмаз.
- Бет бетге къараса, бет да джерге къарар.
- Аз сёлеш, кёб ишле.
- Ёзденликни кёбю ётюрюк.
- Берекет берсин деген джерде, берекет болур.
- Джарашыу сюйген – джалынчакъ.
- Намыс сатылыб алынмайды.
- Ашыкъгъан cуу, тенгизге джетмез.
- Тилчи тилден къаныкъмаз.
- Къонагъы джокъну – шоху джокъ.
- Элге къуллукъ этмеген, элге ие болмаз.
- Джырчы джырчыгъа – къарнаш.
- Шекер бла туз – бир болмаз, ушамагъан – юй болмаз.
- Сабыр джетер муратха, сабырсыз къалыр уятха.
- Арыгъан къош чамчы болур.
- Тюзлюк тас болмайды.
- Тилчиден кери бол.
- Кёб джат да, бек чаб.
- Сабийни джумушха джибер да, ызындан бар.
- Ашлыкъ – бюртюкден, джюн – тюкден.
- Хата – гитчеден.
- Алгъанда – джууукъ, бергенде – джау.
- Айыбны суу бла джууалмазса.
- Ашда уялгъан – мухар, ишде уялгъан – хомух.
- Кеси юйюмде мен да ханма.
- Тилчи бир сагъатха айлыкъ хата этер.
- Элни кючю – эмеген.
- Ариуну – ауруу кёб.
- Бёрю да ач къалмасын, эчки да ашалмасын.
- Айраннга суу къош, телиге джол бош.
- Ач келгенни – тойдур, кеч келгенни – къондур.
- Байма, деб да, къууанма, джарлыма, деб да, джылама.
- Окъумагъан сокъурду, сокъур ташха абыныр!
