- Минг тенг да азды, бир джау да кёбдю.
- Джарлыны эшигин махтагъан джабар.
- Кёбден умут этиб, аздан къуру къалма.
- Сескекли кесин билдирир.
- Эринчекге кюн узун.
- Ач отунчуну ачыуу – бурнунда.
- Айранны сюйген, ийнек тутар.
- Хата – гитчеден.
- Ауузу бла къуш тута айланады.
- Чыбыкълыкъда бюгюлмеген, къазыкълыкъда бюгюлмей эди.
- Алма терегинден кери кетмез.
- Байлыкъ болгъан джерде, тынчлыкъ джокъду.
- Сютню башын джалагъан къутулур, тюбюн ичген тутулур.
- Байлыкъ адамны сокъур этер.
- Илму – джашауну джолу.
- От кюйдюрген, сау болса да, тот кюйдюрген, сау болмаз.
- Ёлюк кебинсиз къалмаз.
- Байдан умут эте, джарлыдан ёгюз багъасы къорады.
- Джыгъылгъанны сырты джерден тоймаз.
- Бойнуму джети джерден кессенг да, мен ол ишни этеллик тюлме.
- Джашлыкъ этмеген, башлыкъ этмез.
- Терслик кетер, тюзлюк джетер.
- Байлыкъ келсе, акъыл кетер.
- Эр абынмай, эл танымаз.
- Башда акъыл болмаса, эки аякъгъа кюч джетер.
- Магъанасыз сёз – тауушсуз сыбызгъы.
- Адам къаллай бир ишленмесе, аллай бир кесин уллу кёреди.
- Чыкълы кюнде чыкъмагъан, чыкъса къуру кирмеген.
- Кёкдеги болмаса, джердегин кёрмейди.
- Ата – баланы уясы.
- Кёзден кетген, кёлден да кетеди.
- Тилчи бир сагъатха айлыкъ хата этер.
- Тешигини къатында, чычхан да батыр болур.
- Къар – келтирди, суу – элтди.
- Акъыл бла адеб эгизледиле.
- Халкъны юйю – туугъан джери.
- Харам къарнашдан, халал тенг ашхы.
- Мал кёб болса, джууукъ кёб болур.
- Иши джокъну, сыйы джокъ.
- Ёпкелегенни ашы татлы болады.
- Иги адам абынса да, джангылмаз.
- Аз айтсам, кёб ангылагъыз.
- Ата – билек, ана – джюрек!
- Aдам боллукъ, сыфатындан белгили.
- Тюзлюк тас болмайды.
- Мал тутхан – май джалар.
- Адебсиз адам – джюгенсиз ат.
- Кёлю джокъну – джолу джокъ.
- Эр сокъур болсун, къатын тилсиз болсун.
- Эринчекни эр алмаз, эр алса да, кёл салмаз, кёл салса да, кёб бармаз!