- Тынгылагъан тынгы бузар.
- Акъыл бла адеб эгизледиле.
- Кийим тукъум сордурур.
- Айырылгъанланы айю ашар, бёлюннгенлени бёрю ашар.
- Телиге от эт десенг, юйюнге от салыр.
- Аджалсыз ёлюм болмаз.
- Тойгъан джерге джети къайт.
- Ач къалгъандан, кеч къалгъан къолай.
- Чёбню кёлтюрсенг, тюбюнден сёз чыгъар.
- Кёбге таш атма.
- Кеси юйюмде мен да ханма.
- Ашатыргъа иш – ашхы, ишлетирге аш – ашхы.
- Ашхы – джыяр, аман – джояр.
- Ханы къызы буюгъа-буюгъа киштик болду.
- Сабий кёргенин унутмаз.
- Термилгенинги табмазса, кюлгенинге тюберсе.
- Экеу тутушса, биреу джыгъылыр.
- Нёгерсизни джолу узун.
- Суу ичген шауданынга тюкюрме.
- Ичимден чыкъды хата, къайры барайым сата?
- Билгенни къолу къарны джандырыр.
- Баш болса, бёрк табылыр.
- Билмегенинги, билгеннге сор.
- Ариу – кёзге, акъыл – джюрекге.
- «Ёгюз, джаргъа джууукъ барма, меннге джюк боллукъса», - дегенди эшек.
- Байлыкъ тауусулур, билим тауусулмаз.
- Ашхы сёз таш тешер.
- Ата Джуртуму башы болмасам да, босагъасында ташы болайым.
- Кесинге джетмегенни, кёб сёлешме.
- Къанны къан бла джуума, аманны аман бла къуума.
- Ата джурт – алтын бешик.
- Окъдан джара эртде-кеч болса да бителир, сёз джара, ёмюрге къалыр.
- Адамны джюреги нени кёрюрге сюйсе, кёзю да аны кёрюрге ёч болады.
- Шапа кёб болса, аш татымсыз болур.
- Джарашыу сюйген – джалынчакъ.
- Ётюрюкчюню шагъаты – къатында.
- Тилсиз миллет джокъ болур.
- Мухардан ач ычхынмаз.
- Рысхы джалгъанды: келген да этер, кетген да этер.
- Нарт сёз – тилни бети.
- Къартны бурнун сюрт да, оноугъа тут.
- Ата Джуртун танымагъан, атасын да танымаз.
- Билими азны – ауузунда кирит.
- Ана кёлю – балада, бала кёлю – талада.
- Акъыл аздырмаз, билим тоздурмаз.
- Тойчу джашха къарама, къойчу джашха къара.
- Тойгъан джерден туугъан джер игиди.
- Джумушакъ терекни къурт ашар.
- Агъач халкъгъа алтынды, иссиликге салкъынды.
- Джан саулукъ бермей, сан саулукъ бермезсе.
Для тех хочет заработать и при этом сделать полезное дело
Читают тему (гостей: 1)