- Бичгенде ашыкъма, тикгенде ашыкъ.
- Иесиз малны бёрю ашар.
- Хатерли къул болур.
- Джуртун къоругъан озар.
- Орну джокъну – сыйы джокъ.
- Ёлюк кебинсиз къалмаз.
- Чомартны къолун джокълукъ байлар.
- Адам боллукъ, атламындан белгили болур.
- Эртде тургъан бла эртде юйленнген сокъуранмаз.
- Керти сёзге тёре джокъ.
- Таукел адам тау тешер.
- Тамбла алтындан бюгюн багъыр ашхы.
- Алтыннга тот къонмаз.
- Тойгъанлыкъ къойгъа джарашады.
- Тили узунну, намысы – къысха.
- Къыйынлы джети элни къайгъысын этер.
- Къарт бла баш аша, джаш бла аякъ аша.
- Танг атмайма десе да, кюн къоярыкъ тюйюлдю.
- Кийимни бичсенг, кенг бич, тар этген къыйын тюлдю.
- Aдам боллукъ, сыфатындан белгили.
- Ат да турмайды бир териде.
- Къатыны харакетли болса, эри къымсыз болур.
- Билмезни кёзю кёрмез, этмезни къулагъы эшитмез.
- Ауругъанны сау билмез, ач къарынны токъ билмез.
- Бети – къучакълар, джюреги – бычакълар.
- Атлыны ашхысы, ат тизгининден билинир
- Ойнай билмеген, уруб къачар.
- Ата Джуртуму башы болмасам да, босагъасында ташы болайым.
- Къыз келсе, джумуш эте келеди, къатын келсе, ушакъ эте келеди.
- Кёкдеги болмаса, джердегин кёрмейди.
- Татлы сёз – балдан татлы.
- Чабакъ башындан чирийди.
- Уллу суу бла уллу ауруудан башынгы сакъла.
- Къарны аманнга къазан такъдырма, къолу аманнга от джакъдырма.
- Байлыкъ болгъан джерде, тынчлыкъ джокъду.
- Кёзден кетген, кёлден да кетеди.
- Босагъа таш юйге кирмей эди, тыбыр таш эшикге чыкъмай эди.
- Аман эсирсе, юйюн ояр.
- Алтыда кюлмеген, алтмышда кюлмез.
- Ауругъаннга – кийик саулукъ, джетген къызгъа – чилле джаулукъ.
- Ашда – бёрю, ишде – ёлю.
- Иги – алгъыш этер, аман – къаргъыш этер.
- Къарыусузгъа кюлме, онгсузгъа тийме.
- Эллинг бла джау болсанг да, юйюнг бла джау болма.
- Ашатыргъа иш – ашхы, ишлетирге аш – ашхы.
- Тюкюрюк баш джармаз, налат кёз чыгъармаз!
- Аз сёлеш, кёб ишле.
- Кёб къычыргъандан – къоркъма, тынч олтургъандан – къоркъ.
- Эркишиге тары кебек танг кёрюнюр.
- Аманны эки битли тону болур, бирин сеннге кийдирир, бирин кеси киер.
Глобализация жи есть...
10.11.2011 03:57:51
Кстати, Грузия таки дала согласие на вступление России в ВТО :smt012
К Новому году присоединят
|
|
|
|
11.11.2011 02:40:10
|
|||
|
|
Читают тему (гостей: 1)