- Сабий болмагъан джерде, мёлек болмаз.
- Тойгъа барсанг, тоюб бар, эски тонунгу къоюб бар.
- Къарны аманнга къазан такъдырма, къолу аманнга от джакъдырма.
- Гугук кесини атын айтыб къычыргъанча, мен, мен деб нек тураса?
- Байны оноуу, джарлыгъа джарамаз.
- Эрине къаргъыш этген къатын, эрнин къабар.
- Таякъ этден ётер, тил сюекден ётер.
- Юреннген ауруу къалмаз.
- Aдам боллукъ, сыфатындан белгили.
- Окъдан джара эртде-кеч болса да бителир, сёз джара, ёмюрге къалыр.
- Адамны джюреги нени кёрюрге сюйсе, кёзю да аны кёрюрге ёч болады.
- Джашны джигитлиги сорулур, къызны джигерлиги сорулур.
- Джаным-тиним – окъуу, билим.
- Кёрмегеннге кебек – танг, битмегеннге сакъал – танг.
- Къонакъ аз олтурур, кёб сынар.
- Эл бла кёргенинг эрелей.
- Ашлыкъ – бюртюкден, джюн – тюкден.
- Хунаны тюбюн къазсанг, юсюнге ауар.
- Сабыр джетер муратха, сабырсыз къалыр уятха.
- Биреуню къыйынлыгъы бла кесинге джол ишлеме.
- Къазанны башы ачыкъ болса, итге уят керекди.
- Акъыл къартда, джашда тюйюлдю – башдады.
- Къыйынлы джети элни къайгъысын этер.
- Джолунга кёре – джюрюшюнг, джагъанга кёре – юлюшюнг.
- Башланнган иш битер, къымылдагъан тиш тюшер.
- Джангыз терек къынгыр ёсер.
- Къонакъ аман болса, къонакъбай джунчур
- Аз сёлешген, къайгъысыз турур.
- Кёлю джокъну – джолу джокъ.
- Ишин билген, аны сыйын чыгъарады.
- Накъырда – кертини келечиси.
- Сабийликде юретмесенг, уллу болса – тюзелмез.
- Тюзню ётмеги тюзде къалса да, тас болмаз.
- Айныгъанлы алты кюн, тогъайгъанлы тогъуз кюн.
- Кесине оноу эте билмеген, халкъына да эте билмез.
- Татлы тилде – сёз ариу, чемер къолда – иш ариу.
- Ач, тоймам, дейди, тойгъан, ач болмам, дейди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тенгинг джокъ эсе – изле, бар эсе – сакъла!
- Кечеси – аяз, кюню – къыш, джарлы къаргъагъа бир аш тюш!
- Къуру гыбыт бек дыгъырдар.
- Кесине гебен этелмеген, биреуге черен эте эди.
- Ичимден чыкъды хата, къайры барайым сата?
- Дженгил джетерикме деб, узун джолну къоюб, къысхасын барма.
- Кёл – къызбай, къол – батыр.
- Адам боллукъ, атламындан белгили болур.
- Кёбден умут этиб, аздан къуру къалма.
- Тели турса – той бузар.
- Окъумагъан сокъурду, сокъур ташха абыныр!
- Аджашхан тёгерек айланыр.
Выборы 2007
14.10.2009 00:59:56
думал продались это обратно Ед. Рос. впереди планеты всей ....а так хоть подобие несогласия с партией
З.Ы. если не брать в расчет личности кандидатов
|
|
|
|
15.10.2009 07:55:00
до конца можно и не смотреть
|
||||
|
|
|||
Читают тему (гостей: 1)