- Шайтан алдады, тюзлюк къаргъады.
- Ауузу бла къуш тута айланады.
- Аджалсыз ёлюм болмаз.
- Джангыз торгъай джырламаз.
- Джиби бир къат джетмей эди да, эки къат тарта эди.
- Адамгъа аман кюн соруб келмейди.
- Мураты болгъанны джюрек тебюую башхады.
- Къыз тиширыу кеси юйюнде да къонакъды.
- Суугъа – таянма, джаугъа – ийнанма.
- Ётюрюк хапар аякъ тюбю бла джюрюйдю.
- Сабыр джетер муратха, сабырсыз къалыр уятха.
- Мен да «сен», дейме, сен да «кесим», дейсе.
- Тенгинг джокъ эсе – изле, бар эсе – сакъла!
- Къазанчы аман болса, къазаны къайнамаз.
- Тюзлюк шохлукъну бегитир.
- Алтыда кюлмеген, алтмышда кюлмез.
- Акъыл сабырлыкъ берир.
- Керек ташны ауурлугъу джокъ.
- Чомартны къолун джокълукъ байлар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ёлюк кебинсиз къалмаз.
- Эм уллу байлыкъ – джан саулукъ.
- Шекер бла туз – бир болмаз, ушамагъан – юй болмаз.
- Сёз къанатсыз учар.
- Джигер – джаннга къыйынлыкъ.
- Ишлегенден, къарагъан уста.
- Олтуруб кёрюнмей эди да, ёрге туруб кёрюне эди.
- Къонакъ аз олтурур, кёб сынар.
- Ариу джол аджал келтирмез.
- Ашарыкъда сайлагъаннга – чий гырджын.
- Аякъларынгы джууургъанынга кёре узат.
- Кёлю джокъну – джолу джокъ.
- Эрине къаргъыш этген къатын, эрнин къабар.
- Ашатыргъа иш – ашхы, ишлетирге аш – ашхы.
- Къуллукъчума, деб махтанма, къуллукъ – хаух джамчыды!
- Алтыннга тот къонмаз.
- Бек анасы джыламаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Туз, гырджын аша, тюзлюк бла джаша.
- Къартны бурнун сюрт да, оноугъа тут.
- Тамбла алтындан бюгюн багъыр ашхы.
- Байлыкъ келсе, акъыл кетер.
- Киштикге къанат битсе, чыпчыкъ къалмаз эди.
- Аманны тукъумуна къарама, игини тукъумун сорма.
- Джарлыны тону джаз битер.
- Айтхан – тынч, этген – къыйын.
- Адам сёзюнден белгили.
- Тас болгъан бычакъны сабы – алтын.
- Чыкълы кюнде чыкъмагъан, чыкъса къуру кирмеген.
- Накъырда – кертини келечиси.
Если вас задержали сотрудники силовых структур
Читают тему (гостей: 1)