- Эшекни не къадар тюйсенг да, ат болмаз.
- Кёпюр салгъан кеси ётер, уру къазгъан кеси кетер.
- Таукел тауну аудурур.
- Сёз къанатсыз учар.
- Ким бла джюрюсенг, аны кёзю бла кёрюнюрсе.
- Джахил болса анасы, не билликди баласы?
- Ачлыкъ отха секиртир.
- Кёлю джокъну – джолу джокъ.
- Игилик игилик бла сингдирилиучю затды.
- Окъ къызбайны джокълайды.
- Нёгерсизни джолу узун.
- Юй ишлеген балта эшикде къалыр.
- Экиндини кеч къылсанг, чабыб джетер ашхам.
- Уясында не кёрсе, учханында аны этер.
- Ойнай билмеген, оюн бузар.
- Акъыл аздырмаз, билим тоздурмаз.
- Ауругъаннга – кийик саулукъ, джетген къызгъа – чилле джаулукъ.
- Эркишиге тары кебек танг кёрюнюр.
- Бал чибинни ургъаны – ачы, балы – татлы.
- Хантына кёре тузу, юйюне кёре къызы.
- Къартны сыйын кёрмеген, къартлыгъында сыйлы болмаз.
- Адамны бетине къарама, адетине къара.
- Къазанчы аман болса, къазаны къайнамаз.
- Иги джашны ышаны – аз сёлешиб, кёб тынгылар.
- Ачлыкъда тары гырджын халыуадан татлы.
- Аман хансны – урлугъу кёб.
- Намыс болмагъан джерде, насыб болмаз.
- Аманны къуугъан, аманлыкъ табар.
- Джан саулукъ бермей, сан саулукъ бермезсе.
- Аджашхан тёгерек айланыр.
- Билимли ёлмез, билимсиз кёрмез.
- Адеб этмеген, адеб кёрмез.
- Бал ашаргъа сюе эсенг, чибин ургъаннга тёз.
- Атадан ёксюз – бир ёксюз, анадан ёксюз – эки ёксюз.
- Эркиши – от, тиширыу – суу.
- Адамны артындан къара сабан сюрме.
- Джарлы тюеге минсе да, ит къабар.
- Башда акъыл болмаса, эки аякъгъа кюч джетер.
- Джылар джаш, атасыны сакъалы бла ойнар.
- Джырына кёре эжиую.
- Кимни – тили, тиши онглу, кимни – къолу, иши онглу.
- Дуния мал дунияда къалады.
- Акъыл къартда, джашда тюйюлдю – башдады.
- Кюлме джашха – келир башха.
- Юре билмеген ит, къонакъ келтирир.
- Билмегенинги, билгеннге сор.
- Бек анасы джыламаз.
- Ариу сёзде ауруу джокъ.
- Ач къарынны, токъ билмез
- Эки къатын алгъанны къулагъы тынгнгаймаз.
Если вас задержали сотрудники силовых структур
Читают тему (гостей: 1)