- Эли джокъну – кёлю джокъ.
- Къошда джокъгъа – юлюш джокъ.
- Ёксюзню тилеги къабыл болур.
- Кёбден умут этиб, аздан къуру къалма.
- Билимли ёлмез, билимсиз кёрмез.
- Арпа, будай – ащды, алтын, кюмюш а – ташды.
- Джюрек кёзден алгъа кёрюр.
- Эки ойлашыб, бир сёлешген.
- Ашарыкъда сайлагъаннга – чий гырджын.
- Билим – акъылны чырагъы.
- Къарнынг къанлынга кийирир.
- Ишлемеген – тишлемез.
- Ачылгъан эт джабылыр, кёрген кёз унутмаз.
- Биреуге аманлыкъны тилеме да, кесинге ашхылыкъны тиле.
- Джыланны къуйругъундан басарынг келсе, аны башы болгъанын унутма.
- Къайтырыкъ эшигинги, къаты уруб чыкъма.
- Чомарт бергенин айтмаз.
- Кийиминг бла танылма, адамлыкъ бла таныл.
- Керек ташны ауурлугъу джокъ.
- Ариу сёз джыланны орнундан чыгъарыр.
- Аджал соруб келмез, келсе, къайтыб кетмез.
- Тау башында, тау болмаз, джангыз терек, бау болмаз.
- Байлыкъ адамны сокъур этер.
- Азыкълы ат арымаз, къатыны аман джарымаз.
- Аман хансны – урлугъу кёб.
- Чакъырылгъанны аты, чакъырылмагъанны багъасы болур.
- Джумушакъ терекни къурт ашар.
- Джашны джигитлиги сорулур, къызны джигерлиги сорулур.
- Аманнга игилик этсенг, юйюнге сау бармазса.
- Аякъларынгы джууургъанынга кёре узат.
- Ётюрюкню къуйругъу – бир тутум.
- Рысхы джалгъанды: келген да этер, кетген да этер.
- Кютгени беш эчки, сызгъыргъаны уа, джерни джарады.
- Байны къызы баймакъ болса да, юйде къалмаз!
- Къууут – джелге, берне – бошха.
- Къарнынг бла ёч алма.
- Ачыкъ джюрекге джол – ачыкъ.
- Адам туугъан джеринде, ит тойгъан джеринде.
- Эшекге миннген – биринчи айыб, андан джыгъылгъан – экинчи айыб.
- Ауузу бла къуш тута айланады.
- Кёбню кёрген – кёб билир.
- Ариу сёз – джаннга азыкъ, аман сёз – башха къазыкъ.
- Эркиши – от, тиширыу – суу.
- Къанны къан бла джуума, аманны аман бла къуума.
- Джетген къыз джерли эшекни танымаз.
- Къызын тута билмеген, тул этер, джашын тута билмеген, къул этер.
- Аллахдан тилесенг, кёб тиле.
- Билимсиз иш бармаз.
- Чабакъсыз кёлге къармакъ салгъанлыкъгъа, чабакъ тутмазса.
- Берекет берсин деген джерде, берекет болур.
