- Сууда джау джокъ, кёб сёзде магъана джокъ.
- Ауузу аманнга «иги», деме.
- Ишлегенде эринме, ишде чолакъ кёрюнме.
- Ата – билек, ана – джюрек!
- Эл элде бирер малынг болгъандан эсе, бирер тенгинг болсун.
- Къарыусузгъа кюлме, онгсузгъа тийме.
- Ашхы болсанг, атынг чыгъар, аман болсанг, джанынг чыгъар.
- Соргъан айыб тюлдю, билмеген айыбды.
- Бермеген къол, алмайды.
- Айтхан – тынч, этген – къыйын.
- Тели турса – той бузар.
- Уллу суу бла уллу ауруудан башынгы сакъла.
- Акъыл неден да кючлюдю.
- Къартны сыйын кёрмеген, къартлыгъында сыйлы болмаз.
- Тёрде – темир таякълы, къаяда – чыпчыкъ аякълы.
- Ётюрюкчюню шагъаты – къатында.
- Байлыкъ келсе, акъыл кетер.
- Хатерли къул болур.
- Келинин тута билмеген, къул этер, къызын тута билмеген, тул этер.
- Джаханимни кёрмей, джандетге кёл салмазса.
- Къарнынг ауруса, ауузунгу тый
- Ачны эсинде – аш.
- Сютню башын джалагъан къутулур, тюбюн ичген тутулур.
- Нарт сёз къарт болмаз.
- Айранны сюйген, ийнек тутар.
- Къонакъны къачан кетерин сорма, къачан келлигин сор.
- Келгинчи, къонакъ уялыр, келгенден сора, къонакъбай уялыр.
- Тура эдим джата, къайдан чыкъды хата?
- Чомарт къонакъ юй иесин сыйлар.
- Ашхы атаны – джашы ашхы, ашхы ананы – къызы ашхы.
- Рысхы джалгъанды: келген да этер, кетген да этер.
- Ышармагъан – кюлмез, кюлмеген – къууанчны билмез.
- Уллу айтханны этмеген – уллаймаз.
- Эл ауузу – элек, анга ийнаннган – халек.
- Келинни – келгинчи, бёркню кийгинчи кёр.
- Ишин билген, аны сыйын чыгъарады.
- Ашха уста, юйюнде болсун
- Этни да ашады, бетни да ашады.
- Эрине къаргъыш этген къатын, эрнин къабар.
- Сёз – кюмюш, джыр – алтын.
- Ишни аллы бла къууанма да, арты бла къууан.
- Хата – гитчеден.
- Тешигини къатында, чычхан да батыр болур.
- Сакъалы текени да бар, мыйыгъы киштикни да бар.
- Аякъларынгы джууургъанынга кёре узат.
- «Ёгюз, джаргъа джууукъ барма, меннге джюк боллукъса», - дегенди эшек.
- Чалманны аллы къалай башланса, арты да алай барады.
- Байдан умут эте, джарлыдан ёгюз багъасы къорады.
- Ишни ахырын ойламай, аллын башлама.
- Мадар болса, къадар болур.
Какую книгу вы сейчас читаете?
Читают тему (гостей: 1)