- Керти сёзге тёре джокъ.
- Ат басханны джер билед.
- Рысхы джалгъанды: келген да этер, кетген да этер.
- Сакъалы текени да бар, мыйыгъы киштикни да бар.
- Душманны тышы – акъ, ичи – къара.
- Сёз садакъдан кючлюдю.
- Чакъырылгъанны аты, чакъырылмагъанны багъасы болур.
- Кёбню кёрген – кёб билир.
- Уллу сёзде уят джокъ.
- Кёбге таш атма.
- Накъырданы арты керти болур.
- Мухарны эси – ашарыкъда.
- Арпа, будай – ащды, алтын, кюмюш а – ташды.
- Таугъа чыгъаллыкъ эсенг, тюзде къалма.
- Асхат ашлыкъ сата, юйдегиси ачдан къата.
- Чабакъгъа акъыл, табагъа тюшсе келеди.
- Къарт бла баш аша, джаш бла аякъ аша.
- От кюйдюрген, сау болса да, тот кюйдюрген, сау болмаз.
- Билим насыб берир, билим джолну керир.
- Айтылгъан буйрукъ, сёгюлмез
- Сангырау къулакъ эл бузар.
- Къарнынг бла ёч алма.
- Аууз сакълагъан – джан сакълар.
- Тилде сюек болмаса да, сюек сындырыр.
- Уллу сёлешме да, уллу къаб.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Бек анасы джыламаз.
- Аз сёлешген, къайгъысыз турур.
- Чоюнну башы ачыкъ болса, итге уят керекди.
- Кесинг сынамагъан затны, адамгъа буюрма.
- Соргъан айыб тюлдю, билмеген айыбды.
- «Ма», - дегенни билмесенг, «бер», - дегенни билмезсе.
- Иги – алгъыш этер, аман – къаргъыш этер.
- Ауругъанны сау билмез, ач къарынны токъ билмез.
- Башланнган иш битер, къымылдагъан тиш тюшер.
- Таукел адам тау тешер.
- Къонакъ аман болса, къонакъбай джунчур
- Башы джабылгъан челекге, кир тюшмез.
- Къызны минг тилер, бир алыр.
- Билгенни къолу къарны джандырыр.
- Адеби болмагъан къыз – тузсуз хант.
- Тыш элде солтан болгъандан эсе, кесинги элде олтан болгъан игиди!
- Джангыз торгъай джырламаз.
- Билмегенинги, билгеннге сор.
- Ётген ёмюр – акъгъан суу.
- Къонакъ хазыр болгъанлыкъгъа, къонакъбай хазыр тюлдю.
- Къызбайны юйюне дери сюрсенг, батыр болур.
- Атлыны кёрсе, джаяуну буту талыр.
- Суу ичген шауданынга тюкюрме.
- Эринчекге кюн узун.
жизнь меня потрепала
|
:smt054
|
|
|
|
|
Читают тему (гостей: 1)