- Ишни ахырын ойламай, аллын башлама.
- Ачлыкъда тары гырджын халыуадан татлы.
- Татлы тилде – сёз ариу, чемер къолда – иш ариу.
- Зарда марда джокъ.
- Къулакъдан эсе, кёзге ышан.
- Ёлген эшек бёрюден къоркъмайды.
- Эртде тургъан джылкъычыны эркек аты тай табар.
- Ачлыкъ отха секиртир.
- Ашлыкъны арба юйге келтирир, чана базаргъа элтир.
- Аш иеси бла татлыды.
- Тенгни тенглиги джашай барсанг билинир.
- Къозулугъунда тоймагъан, къойлугъунда тоймаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ишни аллы бла къууанма да, арты бла къууан.
- Магъанасыз сёз – тауушсуз сыбызгъы.
- Насыб бютеу халкъны юлюшюдю.
- Билимли ёлмез, билимсиз кёрмез.
- Босагъа таш юйге кирмей эди, тыбыр таш эшикге чыкъмай эди.
- Уллу атлама – абынырса, уллу къабма – къарылырса.
- Тау башында, тау болмаз, джангыз терек, бау болмаз.
- Эркиши – от, тиширыу – суу.
- Ёгюзню мюйюзюнден тутадыла, адамны сёзюнден тутадыла.
- Халкъны джырын джырласанг, халкъ санга эжиу этер.
- Джаралыны джастыгъында сау ёлюр.
- Ишлерге уял да, ашаргъа табма.
- Гырджын – тепсини тамадасы.
- Юйлю уругъа ит чабмаз.
- Дуния аламаты сен эсенг да, игиме деб айтма.
- Джангызны оту джарыкъ джанмаз!
- Мал кёб болса, джууукъ кёб болур.
- Мухар, кеси тойса да, кёзю тоймаз.
- Ишленмеклик адамлыкъды.
- Къарт болгъан джерде, берекет болур, сабий болгъан джерде, оюн болур.
- Чабар ат – джетген къыз.
- Арбаз сайлама да, хоншу сайла.
- Къартха ушагъан джаш – акъыллы, джашха ушагъан къарт – тели.
- Ат басханны джер билед.
- Къая джолда джортма, ачыкъ сёзден къоркъма.
- Чабакъ башындан чирийди.
- Тил джюрекге джол ишлейди.
- Аякъларынгы джууургъанынга кёре узат.
- Кёбден умут этиб, аздан къуру къалма.
- Ишленмеген джаш – джюгенсиз ат, ишленмеген къыз – тузсуз хант.
- Джолда аягъынга сакъ бол, ушакъда тилинге сакъ бол.
- Бичгенде ашыкъма, тикгенде ашыкъ.
- Акъыл аздырмаз, билим тоздурмаз.
- Билеги кючлю, бирни джыгъар, билими кючлю, мингни джыгъар.
- Къарнынг тойгъунчу аша да, белинг талгъынчы ишле.
- Джюрек кёзден алгъа кёрюр.
- Ёлмесенг да, къарт дамы болмазса?
жизнь меня потрепала
14.05.2006 09:57:38
:smt054
|
|
|
|
Читают тему (гостей: 1)