- Ауурну тюбю бла, дженгилни башы бла джюрюген.
- Адамны сыфатына къарама, сёзюне къара.
- Тёрдеги кюлсе, эшикдеги ышарыр.
- Билим – акъылны чырагъы.
- Тёгюлген тюгел джыйылмайды.
- Уллу къашыкъ эрин джыртар.
- Ауругъан – джашаудан умутчу.
- Чомартны къолун джокълукъ байлар.
- Байдан умут эте, джарлыдан ёгюз багъасы къорады.
- Накъырданы арты керти болур.
- Туз, гырджын аша, тюзлюк бла джаша.
- Аман адам элни бир-бирине джау этер.
- Кюн – узун, ёмюр – къысха.
- Юй ишлеген балта эшикде къалыр.
- Сабийни джумушха джибер да, ызындан бар.
- Адамны джюреги нени кёрюрге сюйсе, кёзю да аны кёрюрге ёч болады.
- Тиширыусуз юй – отсуз от джагъа.
- Ашхы атаны – джашы ашхы, ашхы ананы – къызы ашхы.
- Акъыллы айтыр эди, акъылсыз къоймайды.
- Тойгъанлыкъ къойгъа джарашады.
- Ишленмеген джаш – джюгенсиз ат, ишленмеген къыз – тузсуз хант.
- Урунуу – насыбны анасы.
- Башда акъыл болмаса, эки аякъгъа кюч джетер.
- «Ёгюз, джаргъа джууукъ барма, меннге джюк боллукъса», - дегенди эшек.
- Джашынгы кесинг юретмесенг, джашау юретир.
- Джигер – джаннга къыйынлыкъ.
- Къолу уллу – асыу, аягъы уллу – джарсыу.
- Къарын къуру болса, джюрек уру болур.
- Ачны эсинде – аш.
- Таш бла ургъанны, аш бла ур.
- Иги сеники эсе да, сюйген кесимикин этеме.
- Киштикге къанат битсе, чыпчыкъ къалмаз эди.
- Абынмазлыкъ аякъ джокъ, джангылмазлыкъ джаякъ джокъ.
- Тилчи бир сагъатха айлыкъ хата этер.
- Къыз тиширыу кеси юйюнде да къонакъды.
- Тюкюрюк баш джармаз, налат кёз чыгъармаз!
- Агъач – джерни чырайы, кийим – эрни чырайы.
- Аман къатын сабий табса, бий болур…
- Ариу сёзде ауруу джокъ.
- Уллу суу бла уллу ауруудан башынгы сакъла.
- Адебсиз адам – джюгенсиз ат.
- Аджалсыз ёлюм болмаз.
- Ариу – кёзге, акъыл – джюрекге.
- Эки къатын алгъанны къулагъы тынгнгаймаз.
- Биреу ашаб къутулур, биреу джалаб тутулур.
- Джарашыу сюйген – джалынчакъ.
- Гугурук къычырмаса да, тангны атары къалмаз.
- Къан бла кирген, джан бла чыгъар.
- Aдам боллукъ, сыфатындан белгили.
- Адам сёзге тынгыла, акъыл сёзню ангыла.
