- Ариу сёз – джаннга азыкъ, аман сёз – башха къазыкъ.
- Дуния аламаты сен эсенг да, игиме деб айтма.
- Адамны бетине къарама, адетине къара.
- Ач бёрюге мекям джокъ.
- Джукъу тёшек сайламайды.
- Ишни аллы бла къууанма да, арты бла къууан.
- Атынг аманнга чыкъгъандан эсе, джанынг тамагъынгдан чыкъсын.
- Уллу атлама – абынырса, уллу къабма – къарылырса.
- Кечеси – аяз, кюню – къыш, джарлы къаргъагъа бир аш тюш!
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Билим ат болуб да чабар, къуш болуб да учар.
- Бал – татлы, балдан да бала – татлы.
- Юре билмеген ит, къонакъ келтирир.
- Асхат ашлыкъ сата, юйдегиси ачдан къата.
- Джашынгы кесинг юретмесенг, джашау юретир.
- Бети бедерден, намыс сакълама.
- Ариу джол аджал келтирмез.
- Рысхы джалгъанды: келген да этер, кетген да этер.
- Гырджын – тепсини тамадасы.
- Накъырда – кертини келечиси.
- Насыб бютеу халкъны юлюшюдю.
- Башынга джетмегенни сорма.
- Тюз сёз баргъан сууну тыяр.
- Накъырданы арты керти болур.
- Гыдай эчки суугъа къараб, мюйюзле кёрмесе, джашма алкъын, дегенди.
- Джаз бир кюнню джатсанг, къыш талай кюнню абынырса.
- Азыкъ аз болса, эртде орун сал.
- Махтаннган къыз, тойда джукълар.
- Иги сеники эсе да, сюйген кесимикин этеме.
- Аманнга игилик этсенг, юйюнге сау бармазса.
- Алгъанда – джууукъ, бергенде – джау.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ариу – кёзге, акъыл – джюрекге.
- Ёзденликни кёбю ётюрюк.
- Кёрмегеннге кебек – танг, битмегеннге сакъал – танг.
- Гугурук къычырмаса да, тангны атары къалмаз.
- Иши джокъну, сыйы джокъ.
- Аз сёлеш, кёб ишле.
- Кенгеш болса, уруш болмаз.
- Юйлю уругъа ит чабмаз.
- Чомарт къолда мал къалмаз.
- Мураты болгъанны джюрек тебюую башхады.
- Чарсда алчыны эл кёреди.
- Сибиртки да сыйлы болду, кюрек да кюнлю болду.
- Адеб этмеген, адеб кёрмез.
- Билмейме деген – бир сёз
- Тенгни тенглиги джашай барсанг билинир.
- Чабакъ башындан чирийди.
- Магъанасыз сёз – тауушсуз сыбызгъы.
- Бети – къучакълар, джюреги – бычакълар.
Этап 2. Жизнь карачаевки после рассторжения брака-жизнь?)
|
||||
|
|
|
|||
Читают тему (гостей: 3)