- Юйлю уругъа ит чабмаз.
- Агъач халкъгъа алтынды, иссиликге салкъынды.
- Ашда уялгъан – мухар, ишде уялгъан – хомух.
- Ёлген аслан – сау чычхан.
- Телиге от эт десенг, юйюнге от салыр.
- Ачны эсинде – аш.
- Мен да «сен», дейме, сен да «кесим», дейсе.
- Адеб этмеген, адеб кёрмез.
- Мал кёб болса, джууукъ кёб болур.
- Биреуге кёлтюрген таягъынг, кесинги башынга урур.
- Суу ичген шауданынга тюкюрме.
- Тил джюрекге джол ишлейди.
- Иги – алгъыш этер, аман – къаргъыш этер.
- Ханнга да келеди хариблик.
- Тенгни тенглиги джашай барсанг билинир.
- Эр абынмай, эл танымаз.
- «Ма», - дегенни билмесенг, «бер», - дегенни билмезсе.
- Иги адамны бир сёзю эки болмаз.
- Аманнга игилик этсенг, юйюнге сау бармазса.
- Аш иеси бла татлыды.
- Уллу сёзде уят джокъ.
- Тёрени джагъы джокъ.
- Акъыллы эркиши атын махтар, акъылсыз эркиши къатынын махтар.
- Эл элде бирер малынг болгъандан эсе, бирер тенгинг болсун.
- Уллу сёлешме да, уллу къаб.
- Эли джокъну – кёлю джокъ.
- Бичгенде ашыкъма, тикгенде ашыкъ.
- Термилгенинги табмазса, кюлгенинге тюберсе.
- Уллу къашыкъ эрин джыртар.
- Ата Джуртча джер болмаз, туугъан элча эл болмаз.
- Джетген къыз джерли эшекни танымаз.
- Терек ауса, отунчу – кёб.
- Таукелге нюр джауар.
- Накъырда – кертини келечиси.
- Баш болса, бёрк табылыр.
- Адамны адамлыгъы къыйынлыкъда айгъакъланады.
- Ачылгъан эт джабылыр, кёрген кёз унутмаз.
- Махтаннган къыз, тойда джукълар.
- Къазанчы аман болса, къазаны къайнамаз.
- Эшекни не къадар тюйсенг да, ат болмаз.
- Алтыда кюлмеген, алтмышда кюлмез.
- Ашына кёре табагъы, балына кёре къалагъы.
- Аш хазыр болса, иш харам болур.
- Джахил болса анасы, не билликди баласы?
- Адамны сабийин сюйген джюреги, бычакъча, джитиди.
- Тойгъан антын унутур.
- Ёзденликни джайгъан – джокълукъ.
- Кютгени беш эчки, сызгъыргъаны уа, джерни джарады.
- Накъырданы арты керти болур.
- Садакъачыны джаны – къапчыгъында.
