- Ауругъан – джашаудан умутчу.
- Эки къатын алгъанны къулагъы тынгнгаймаз.
- Къозулугъунда тоймагъан, къойлугъунда тоймаз.
- Байлыкъ келсе, акъыл кетер.
- Зар адам ашынгы ашар, кесинги сатар.
- Игилик игилик бла сингдирилиучю затды.
- Аманнга алтын чыдамаз.
- Зар адамны насыбы болмаз.
- Гитче джилтин уллу элни джандырыр.
- Ачлыкъ отха секиртир.
- Бозанг болмагъан джерге, къалагъынгы сукъма.
- Кёбню кёрген – кёб билир.
- Ачлыкъда тары гырджын халыуадан татлы.
- Ишни ахырын ойламай, аллын башлама.
- Алтыннга тот къонмаз.
- Бет бетге къараса, бет да джерге къарар.
- Кенгеш болса, уруш болмаз.
- Юй кюйдю да, кюйюз чыкъды, ортасындан тюйюш чыкъды.
- Тюзлюк шохлукъну бегитир.
- Тенгни тенглиги джашай барсанг билинир.
- Кеси юйюмде мен да ханма.
- Намыс сатылыб алынмайды.
- Аурууну келиую тынч, кетиую – къыйын.
- Ургъан суудан башынгы сакъла.
- Къонакъ аман болса, къонакъбай джунчур
- Биреуню къыйынлыгъы бла кесинге джол ишлеме.
- Ашхы – джыяр, аман – джояр.
- Ата джурт – алтын бешик.
- Кёзю сокъурдан – къоркъма, кёлю сокъурдан – къоркъ.
- Тин – байлыгъынг, терен саулугъунг.
- Зарда марда джокъ.
- Джюрекге ариу – кёзге да ариу.
- Джыгъылгъанны сырты джерден тоймаз.
- Халкъгъа джарагъан, джарлы къалмаз.
- Къартны сыйын кёрмеген, къартлыгъында сыйлы болмаз.
- Ишлегенден, къарагъан уста.
- Джыйырма къойну юч джыйырма эбзе кюте эди.
- Ауругъаннга – кийик саулукъ, джетген къызгъа – чилле джаулукъ.
- Биреуге аманлыкъ этиб, кесинге игилик табмазса.
- Чакъырылмагъан къонакъ къачан кетерин сормаз.
- Ачны эсинде – аш.
- Итли къонакъ джарашмаз.
- Байма, деб да, къууанма, джарлыма, деб да, джылама.
- Оюмсуз атлагъан, аджалсыз ёлюр.
- Иги болса, тамадама – махтау, аман болса, меннге – айыб.
- Ичимден чыкъды хата, къайры барайым сата?
- Байны оноуу, джарлыгъа джарамаз.
- Адамны аманы адамны бети бла ойнар.
- Нарт сёз – тилни бети.
- Aдам боллукъ, сыфатындан белгили.