- Шекер бла туз – бир болмаз, ушамагъан – юй болмаз.
- Урунуу – насыбны анасы.
- Уруну арты – къуру.
- Ушамагъан – джукъмаз.
- Aдам боллукъ, сыфатындан белгили.
- Джарашыу сюйген – джалынчакъ.
- Намыс болмагъан джерде, насыб болмаз.
- Уясында не кёрсе, учханында аны этер.
- «Ёгюз, джаргъа джууукъ барма, меннге джюк боллукъса», - дегенди эшек.
- Кёл – къызбай, къол – батыр.
- Ач уят къоймаз.
- Аш хазыр болса, иш харам болур.
- Джан саулукъ бермей, сан саулукъ бермезсе.
- Адеб джокъда, намыс джокъ.
- Джумушакъ терекни къурт ашар.
- Ашын ашагъанынгы, башын да сыйла.
- Эте билген, этген этеди, эте билмеген, юретген этеди!
- Аман киши кеси юйюнде – къонакъ.
- Тынгылагъан тынгы бузар.
- Эркиши – от, тиширыу – суу.
- Огъурлуну сёзю – суу, огъурсузну сёзю – уу.
- Къонакъ болсанг, ийнакъ бол.
- Халкъны джырын джырласанг, халкъ санга эжиу этер.
- Джюз элде джюз ёгюзюм болгъандан эсе, джюз джууугъум болсун.
- Тас болгъан бычакъны сабы – алтын.
- Тилчиден кери бол.
- Тенги кёбню джау алмаз, акъылы кёбню дау алмаз.
- Ёзденликни кёбю ётюрюк.
- Тойгъанлыкъ къойгъа джарашады.
- Айыбны суу бла джууалмазса.
- Ашыкъгъанны этеги бутуна чырмалыр.
- Этни да ашады, бетни да ашады.
- Бек ашыкъгъан меннге джетсин, дегенди аракъы.
- Кеси юйюмде мен да ханма.
- Башы джабылгъан челекге, кир тюшмез.
- Экеулен сёлеше тура эселе, орталарына барыб кирме.
- Хазыр ашха – терен къашыкъ.
- Адам боллукъ, атламындан белгили болур.
- Алтыннга тот къонмаз.
- Къан бла кирген, джан бла чыгъар.
- Ёлмесенг да, къарт дамы болмазса?
- Къанны къан бла джуума, аманны аман бла къуума.
- Сабийни джумушха джибер да, ызындан бар.
- Таукел тауну аудурур.
- Байдан умут эте, джарлыдан ёгюз багъасы къорады.
- Таула не мийик болсала да, аууш табылыр.
- Ашлыкъ – бюртюкден, джюн – тюкден.
- Сескекли кесин билдирир.
- Аманнга игилик этсенг, юйюнге сау бармазса.
- Эр сокъур болсун, къатын тилсиз болсун.
