- Сууда джау джокъ, кёб сёзде магъана джокъ.
- Танг атмайма десе да, кюн къоярыкъ тюйюлдю.
- Джырына кёре эжиую.
- Огъурлуну сёзю – суу, огъурсузну сёзю – уу.
- Кесине оноу эте билмеген, халкъына да эте билмез.
- Магъанасыз сёз – тауушсуз сыбызгъы.
- Бир онгсуз адам адет чыгъарды, деб эштирик тюлсе.
- Ана къолу ачытмаз.
- Чомартха Тейри да борчлуду.
- Ашаса, ашамаса да, бёрюню ауузу – къан.
- Билим ат болуб да чабар, къуш болуб да учар.
- Иги адам абынса да, джангылмаз.
- Мураты болгъанны джюрек тебюую башхады.
- Тас болгъан бычакъны сабы – алтын.
- Хата – гитчеден.
- Къатыны харакетли болса, эри къымсыз болур.
- Керек ташны ауурлугъу джокъ.
- Биреуге аманлыкъ этиб, кесинге игилик табмазса.
- Байлыкъ болгъан джерде, тынчлыкъ джокъду.
- Тил бла келеди джыр да.
- Иги адамны бир сёзю эки болмаз.
- Таякъ этден ётер, тил сюекден ётер.
- Джол бла сёзню къыйыры джокъ.
- Билмегенинги, билгеннге сор.
- Ойнай билмеген, оюн бузар.
- Адамгъа аман кюн соруб келмейди.
- Суу кетер, таш къалыр.
- Элде адам къалмаса, ит тахтагъа минер.
- Къарнынг тойгъунчу аша да, белинг талгъынчы ишле.
- Айтылгъан буйрукъ, сёгюлмез
- Уясында не кёрсе, учханында аны этер.
- Ауузу бла къуш тута айланады.
- Ауругъаннга – кийик саулукъ, джетген къызгъа – чилле джаулукъ.
- Кёкдеги болмаса, джердегин кёрмейди.
- Тёрдеги кюлсе, эшикдеги ышарыр.
- Рысхы джалгъанды: келген да этер, кетген да этер.
- Керти сёзге тёре джокъ.
- Мухар, кеси тойса да, кёзю тоймаз.
- Бал ашаргъа сюе эсенг, чибин ургъаннга тёз.
- Уллу къазанда бишген эт, чий къалмаз.
- Ёксюзню тилеги къабыл болур.
- Иесиз малны бёрю ашар.
- Сагъыш – къартлыкъгъа сюйюмчю.
- Эл ауузу – элия.
- Къолунгдан къуймакъ ашатсанг да, атаны борчундан къутулмазса.
- Кёб джат да, бек чаб.
- Джаш болсун, къыз болсун, акъылы, саны тюз болсун.
- Ашда уялгъан – мухар, ишде уялгъан – хомух.
- Къулакъдан эсе, кёзге ышан.
- Акъдан къара болмаз.
Пожалуйста, авторизуйтесь: