- Ата – билек, ана – джюрек!
- Татлы тилде – сёз ариу, чемер къолда – иш ариу.
- Кёпюр салгъан кеси ётер, уру къазгъан кеси кетер.
- Джашны джигитлиги сорулур, къызны джигерлиги сорулур.
- Къазанны башы ачыкъ болса, итге уят керекди.
- Аз сёлеш, кёб ишле.
- Тил джюрекге джол ишлейди.
- Зар адамны насыбы болмаз.
- Адам къаллай бир ишленмесе, аллай бир кесин уллу кёреди.
- Эркиши – от, тиширыу – суу.
- Ариу сёз джыланны орнундан чыгъарыр.
- Тёрдеги кюлсе, эшикдеги ышарыр.
- Биреу къой излей, биреу той излей.
- Аман адам элни бир-бирине джау этер.
- Аман адамны тепсинге олтуртсанг, къызынгы тилер.
- Байлыкъ болгъан джерде, тынчлыкъ джокъду.
- Урама да – ёледи, сатама да – келеди.
- Джыланны къуйругъундан басарынг келсе, аны башы болгъанын унутма.
- Шайтан алдады, тюзлюк къаргъады.
- Этни бети бла шорпасы.
- Ётюрюк хапар аякъ тюбю бла джюрюйдю.
- Ичимден чыкъды хата, къайры барайым сата?
- Юре билмеген ит, къонакъ келтирир.
- Ач, тоймам, дейди, тойгъан, ач болмам, дейди.
- Аманны тукъумуна къарама, игини тукъумун сорма.
- Къайгъыны сюйген, къайгъы табар.
- Аз сёлешген, къайгъысыз турур.
- Дуния аламаты сен эсенг да, игиме деб айтма.
- Эки элинги тыйсанг, джети элде махталырса.
- Эки къатын алгъан – эки ташны ортасына башын салгъан.
- Тюкюрюк баш джармаз, налат кёз чыгъармаз!
- Ишлегенде эринме, ишде чолакъ кёрюнме.
- Тёгюлген тюгел джыйылмайды.
- Аманнга да, игиге да оноусуз къатышма.
- Аш берме да, къаш бер.
- Тюзню ётмеги тюзде къалса да, тас болмаз.
- Адам сёзге тынгыла, акъыл сёзню ангыла.
- Уллу къашыкъ эрин джыртар.
- Ач къарынны, токъ билмез
- Ёлюр джаннга, ёкюл джокъ.
- Ишни аллы бла къууанма да, арты бла къууан.
- Къонакъ хазыр болгъанлыкъгъа, къонакъбай хазыр тюлдю.
- Къарнынг къанлынга кийирир.
- Бир абыннган – минг сюрюнюр.
- Намысы болмагъанны, сыйы болмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Тюзлюк шохлукъну бегитир.
- Экеулен сёлеше тура эселе, орталарына барыб кирме.
- Бал ашаргъа сюе эсенг, чибин ургъаннга тёз.
- Гыдай эчки суугъа къараб, мюйюзле кёрмесе, джашма алкъын, дегенди.
