- Айраннга суу къош, телиге джол бош.
- Джарлыны тону джаз битер.
- Ёлмесенг да, къарт дамы болмазса?
- Мен да «сен», дейме, сен да «кесим», дейсе.
- Азыгъы аз, алгъа къабар, аты аман, алгъа чабар.
- Къая джолда джортма, ачыкъ сёзден къоркъма.
- Акъыллы айтыр эди, акъылсыз къоймайды.
- Эте билген, этген этеди, эте билмеген, юретген этеди!
- Ауругъанны сау билмез, ач къарынны токъ билмез.
- Джаным-тиним – окъуу, билим.
- Чомартны къолу берекет.
- Ёзденликни джайгъан – джокълукъ.
- Ач къарным, тынч къулагъым.
- Бир онгсуз адам адет чыгъарды, деб эштирик тюлсе.
- Эки элинги тыйсанг, джети элде махталырса.
- Ушамагъан – джукъмаз.
- Олтуруб кёрюнмей эди да, ёрге туруб кёрюне эди.
- Джарлы эскисин джамаса, къууаныр.
- Телиге от эт десенг, юйюнге от салыр.
- Кёбню кёрген – кёб билир.
- Нарт сёз къарт болмаз.
- Джолда аягъынга сакъ бол, ушакъда тилинге сакъ бол.
- Ишлегенден, къарагъан уста.
- Ойнай-ойнай кёз чыгъар.
- Сёз къанатсыз учар.
- Аурууну келиую тынч, кетиую – къыйын.
- Ана къолу ачытмаз.
- Джарлы тюеге минсе да, ит къабар.
- Баш – акъыл ючюн, акъылман – халкъ ючюн.
- Ёмюрлюк шохлукъну джел элтмез.
- Къралынгы – душмандан, башынгы от бла суудан сакъла.
- Таукел тауну аудурур.
- Итли къонакъ джарашмаз.
- Сескекли кесин билдирир.
- Тюзлюк тас болмайды.
- Тёрде – темир таякълы, къаяда – чыпчыкъ аякълы.
- Ёлген аслан – сау чычхан.
- Кёрмегеннге кебек – танг, битмегеннге сакъал – танг.
- Игини сыйлагъан адетди.
- Ёгюзню мюйюзюнден тутадыла, адамны сёзюнден тутадыла.
- Кёз – сюйген джерде, къол – ауругъан джерде.
- Тилде сюек болмаса да, сюек сындырыр.
- Дуния мал дунияда къалады.
- Бет бетге къараса, бет да джерге къарар.
- Сагъыш – къартлыкъгъа сюйюмчю.
- Эл тойса, тоймагъан, эл къойса, къоймагъан.
- Башланнган иш битер, къымылдагъан тиш тюшер.
- Кюлме джашха – келир башха.
- Сёз сёзню айтдырыр.
- Къонакъ хазыр болгъанлыкъгъа, къонакъбай хазыр тюлдю.
