- Гугурук къычырмаса да, тангны атары къалмаз.
- Суу ичген шауданынга тюкюрме.
- Аманны эки битли тону болур, бирин сеннге кийдирир, бирин кеси киер.
- Тешик этген тынчды, аны джамагъан къыйынды.
- Адеб базарда сатылмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тойну къарнашы – харс, джырны къарнашы – эжиу.
- Байлыкъ келсе, акъыл кетер.
- Биреу ашаб къутулур, биреу джалаб тутулур.
- Башда акъыл болмаса, эки аякъгъа кюч джетер.
- Адамны адамлыгъы къыйынлыкъда айгъакъланады.
- Къонагъы джокъну – шоху джокъ.
- Эки ойлашыб, бир сёлешген.
- Аман киши кеси юйюнде – къонакъ.
- Аманнга игилик этсенг, юйюнге сау бармазса.
- Нарт сёз къарт болмаз.
- Уллу суу бла уллу ауруудан башынгы сакъла.
- Тюз сёз баргъан сууну тыяр.
- Айранын берсенг, челегин да къызгъанма.
- Ышармагъан – кюлмез, кюлмеген – къууанчны билмез.
- Хаухну атма, ёнгкючню сатма.
- Бет бетге къараса, бет да джерге къарар.
- Чабакъ башындан чирийди.
- Юй ишлеген балта эшикде къалыр.
- Адам къыйынлыгъын кёлтюрюр, зауукълугъун кёлтюрмез.
- Тюзлюк тас болмайды.
- Аз айтсам, кёб ангылагъыз.
- Окъумагъан сокъурду, сокъур ташха абыныр!
- Кёлсюзден сёзсюз тууар.
- Бермеген къол, алмайды.
- Адам сёзге тынгыла, акъыл сёзню ангыла.
- Кёлю джокъну – джолу джокъ.
- Терек ауса, отунчу – кёб.
- Айтханы чапыракъдан ётмеген.
- Къая джолда джортма, ачыкъ сёзден къоркъма.
- Акъыллы айтыр эди, акъылсыз къоймайды.
- Терслик кетер, тюзлюк джетер.
- Хар сёзню орну барды.
- Джарлыны эшигин махтагъан джабар.
- Гитче джилтин уллу элни джандырыр.
- Джыланны къуйругъундан басарынг келсе, аны башы болгъанын унутма.
- Ата – билек, ана – джюрек!
- Сабийликде юретмесенг, уллу болса – тюзелмез.
- Эркишиге тары кебек танг кёрюнюр.
- Тёрде – темир таякълы, къаяда – чыпчыкъ аякълы.
- Аманны къуугъан, аманлыкъ табар.
- Къонакъны къачан кетерин сорма, къачан келлигин сор.
- Эр сокъур болсун, къатын тилсиз болсун.
- Чомартха Тейри да борчлуду.
- Къарыусузгъа кюлме, онгсузгъа тийме.
Российский R&B
19.09.2007 19:40:06
[b:0697896b95]Chagarov.[/b:0697896b95], я уж и не помню. Помню только что и по МТV смотрел и по другим каналам тоже крутят их. )))))))))
|
|
|
|
04.12.2007 03:03:00
[b:04c303c5fe]SnowDream[/b:04c303c5fe], "еще чуть -чуть и прямо в рай"))))) да ну тя)))) хороший текст))))))))))))))
|
|
|
|
20.12.2007 01:50:36
[b:87236fa6d5]Фортуна Фиделя)))[/b:87236fa6d5], голова прошла , да? :smt003 :smt003 :smt003 :smt003 :smt003 :smt003 :smt003 :smt003 :smt003
|
|
|
|
21.12.2007 03:38:59
[b:8dc93ddd36]Фортуна Фиделя))), ага...или бутики-тики-тики, модный хлам))))[/b:8dc93ddd36]
|
|
|
|
Читают тему (гостей: 1)