Ёксюзню тилеги къабыл болур.
Тюзлюк тас болмайды.
Ата Джуртуму башы болмасам да, босагъасында ташы болайым.
Таула не мийик болсала да, аууш табылыр.
Джашлыкъ этмеген, башлыкъ этмез.
Аманны эки битли тону болур, бирин сеннге кийдирир, бирин кеси киер.
Иги адам абынса да, джангылмаз.
Намысы болмагъанны, сыйы болмаз.
Къая джолда джортма, ачыкъ сёзден къоркъма.
Билгенни къолу къарны джандырыр.
Бермеген къол, алмайды.
Джашда акъыл джокъ, къартда къарыу джокъ.
Къонагъынгы артмагъын алма да, алгъышын ал.
Къонакъ кёб келюучю юйню, къазаны отдан тюшмез.
Арба аугъандан сора, джол кёргюзтюучю кёб болур.
Адамны сыфатына къарама, сёзюне къара.
Ёлюк кебинсиз къалмаз.
Бастасын ашагъан, хантусун да ичер.
Бек анасы джыламаз.
От этилмеген джерден тютюн чыкъмайды.
Джаш къарыу бла кючлю, къарт акъыл бла кючлю.
Джетген къыз джерли эшекни танымаз.
Эртде тургъан бла эртде юйленнген сокъуранмаз.
Алтыннга тот къонмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Хантына кёре тузу, юйюне кёре къызы.
Къызны минг тилер, бир алыр.
Гитче джилтин уллу элни джандырыр.
Бети къызарыучу адамны, джюреги харам болмаз.
Къыз келсе, джумуш эте келеди, къатын келсе, ушакъ эте келеди.
Кюн – узун, ёмюр – къысха.
Кимни – тили, тиши онглу, кимни – къолу, иши онглу.
Агъач – джерни чырайы, кийим – эрни чырайы.
Аджашхан тёгерек айланыр.
Накъырда – кертини келечиси.
Азыкълы ат арымаз, къатыны аман джарымаз.
Мен да «сен», дейме, сен да «кесим», дейсе.
Тамбла алтындан бюгюн багъыр ашхы.
Иги сёз – джаннга азыкъ, аман сёз башха – къазыкъ.
Ауругъаннга – кийик саулукъ, джетген къызгъа – чилле джаулукъ.
Джангыз терек къынгыр ёсер.
Джеринден айырылгъан – джети джылар, джуртундан айырылгъан – ёлгюнчю джылар.
Сормай – алма, чакъырылмай – барма.
Тёрдеги кюлсе, эшикдеги ышарыр.
Биреу ашаб къутулур, биреу джалаб тутулур.
Ач да бол, токъ да бол – намысынга бек бол.
Мал кёб болса, джууукъ кёб болур.
Эки итни арасына сюек атма, эки адамны арасында сёз чыгъарма.
Таякъ этден ётер, тил сюекден ётер.
Бичгенде ашыкъма, тикгенде ашыкъ.
