- Кёбге таш атма.
- Адам къыйынлыгъын кёлтюрюр, зауукълугъун кёлтюрмез.
- Джыйырма къойну юч джыйырма эбзе кюте эди.
- Атадан ёксюз – бир ёксюз, анадан ёксюз – эки ёксюз.
- Тилчиден кери бол.
- Суу кетер, таш къалыр.
- Ауругъанны сау билмез, ач къарынны токъ билмез.
- Ишге юренсин къоллары, халкъ бла болсун джоллары.
- Къарт айтханны этмеген, къартаймаз.
- Кёз – сюйген джерде, къол – ауругъан джерде.
- Суугъа – чабакъ, къаягъа – ыргъакъ.
- Иги адамны бир сёзю эки болмаз.
- Адам сёзге тынгыла, акъыл сёзню ангыла.
- Тюз сёз баргъан сууну тыяр.
- Иги болса, тамадама – махтау, аман болса, меннге – айыб.
- Ойнай билмеген, оюн бузар.
- Хунаны тюбюн къазсанг, юсюнге ауар.
- Ханы къызы буюгъа-буюгъа киштик болду.
- Ётюрюкден тюбю джокъ, кёлтюрюрге джиби джокъ.
- Юйлю уругъа ит чабмаз.
- Тешигини къатында, чычхан да батыр болур.
- Бичгенде ашыкъма, тикгенде ашыкъ.
- Юй кюйдю да, кюйюз чыкъды, ортасындан тюйюш чыкъды.
- Джюрекден джюрекге джол барды.
- Эр абынмай, эл танымаз.
- Ашын ашагъанынгы, башын да сыйла.
- Ариу сёз джыланны орнундан чыгъарыр.
- Эллинг бла джау болсанг да, юйюнг бла джау болма.
- Ёлген эшек бёрюден къоркъмайды.
- Джол бла сёзню къыйыры джокъ.
- Джаш къарыу бла кючлю, къарт акъыл бла кючлю.
- Аман къатын алгъан, арыр, иги къатын алгъан джарыр.
- Къарнынг бла ёч алма.
- Биреуню къыйынлыгъы бла кесинге джол ишлеме.
- Бозаны арты дауур болур.
- Сютден ауузу кюйген, суугъа юфгюре эди.
- Садакъачыны джаны – къапчыгъында.
- Окъугъанны бети джарыкъ.
- Юйюнг бла джау болгъандан эсе, элинг бла джау бол.
- Бастасын ашагъан, хантусун да ичер.
- Чыкълы кюнде чыкъмагъан, чыкъса къуру кирмеген.
- Накъырданы арты керти болур.
- Кюлме джашха – келир башха.
- Джыгъылгъанны сырты джерден тоймаз.
- Ата джурт – алтын бешик.
- Айтхан – тынч, этген – къыйын.
- Сангырау къулакъ эл бузар.
- Башы джабылгъан челекге, кир тюшмез.
- Окъдан джара эртде-кеч болса да бителир, сёз джара, ёмюрге къалыр.
- Эл ауузу – элек, анга ийнаннган – халек.
Американское кино
|
[b:c50f06f131]Фортуна Фиделя[/b:c50f06f131], я слышал - Стивен Кинг еще тот приколист))))) и иронизирует частенько))))
|
|
|
|
|
Читают тему (гостей: 1)