- Бети – къучакълар, джюреги – бычакълар.
- Башсыз урчукъ тюзюне айланмаз.
- Тойну къарнашы – харс, джырны къарнашы – эжиу.
- Алтыннга тот къонмаз.
- Мадар болса, къадар болур.
- Эшекге миннген – биринчи айыб, андан джыгъылгъан – экинчи айыб.
- Адамны аманы адамны бети бла ойнар.
- Бёрю да ач къалмасын, эчки да ашалмасын.
- Джашынгы кесинг юретмесенг, джашау юретир.
- От этилмеген джерден тютюн чыкъмайды.
- Хар зат кесини орнуна иги.
- Дуния малгъа сатылма, кесингден телиге къатылма.
- Акъыллы эркиши атын махтар, акъылсыз эркиши къатынын махтар.
- Къайгъы тюбю – тенгиз.
- Джыланны къуйругъундан басарынг келсе, аны башы болгъанын унутма.
- Джашны джигитлиги сорулур, къызны джигерлиги сорулур.
- Юй ишлеген балта эшикде къалыр.
- Ачыкъ джюрекге джол – ачыкъ.
- Кюн – узун, ёмюр – къысха.
- Акъыл бла адеб эгизледиле.
- Суугъа – таянма, джаугъа – ийнанма.
- Аллахдан тилесенг, кёб тиле.
- Байны оноуу, джарлыгъа джарамаз.
- Юре билмеген ит, къонакъ келтирир.
- Келинни – келгинчи, бёркню кийгинчи кёр.
- Чакъырылмагъан къонакъ – орунсуз.
- Акъыллы айтыр эди, акъылсыз къоймайды.
- Чыбыкълыкъда бюгюлмеген, къазыкълыкъда бюгюлмей эди.
- Узун джолну барсанг, бюгюн келирсе, къысха джолну барсанг, тамбла келирсе.
- Ач, тоймам, дейди, тойгъан, ач болмам, дейди.
- Джарлы джети элни сёзюн этер.
- Сабий кёргенин унутмаз.
- Харам къарнашдан, халал тенг ашхы.
- Къарт айтханны этмеген, къартаймаз.
- Башынга джетмегенни сорма.
- Ашхылыкъ джерде джатмайды, аманлыкъ суугъа батмайды.
- Садакъачыны джаны – къапчыгъында.
- Уллу къазанда бишген эт, чий къалмаз.
- Джаралыны джастыгъында сау ёлюр.
- Аманны къуугъан, аманлыкъ табар.
- Хар ишни да аллы къыйынды.
- Къонакъ хазыр болгъанлыкъгъа, къонакъбай хазыр тюлдю.
- Тас болгъан бычакъны сабы – алтын.
- Зар адам ашынгы ашар, кесинги сатар.
- Гугурук къычырмаса да, тангны атары къалмаз.
- Ач уят къоймаз.
- Эртде тургъан бла эртде юйленнген сокъуранмаз.
- Аманнга алтын чыдамаз.
- Алма терегинден кери кетмез.
- Тойгъан джерден туугъан джер игиди.