- Этек чакъмакълары баш джаргъан, сёлешген сёзлери таш джаргъан.
- Къайгъыны сюйген, къайгъы табар.
- Ёгюзню мюйюзюнден тутадыла, адамны сёзюнден тутадыла.
- Суугъа – чабакъ, къаягъа – ыргъакъ.
- Бозаны арты дауур болур.
- Акъылсызны джууукъгъа алма, акъыллыны кенгнге салма.
- Керти сёзге тёре джокъ.
- Джылар джаш, атасыны сакъалы бла ойнар.
- Ашыкъгъан cуу, тенгизге джетмез.
- Окъ къызбайны джокълайды.
- Ауругъан – джашаудан умутчу.
- Иги болса, тамадама – махтау, аман болса, меннге – айыб.
- Акъыллы эркиши атын махтар, акъылсыз эркиши къатынын махтар.
- Адам боллукъ, атламындан белгили болур.
- Тели турса – той бузар.
- Чабар ат – джетген къыз.
- Ана – юйню кюн джарыгъы.
- Аманнга игилик этсенг, юйюнге сау бармазса.
- Ёнгкюч къууана барыр, джылай келир.
- Орундукъ тюбюнде атылсам да, орта джиликме, де да айлан.
- Дуния аламаты сен эсенг да, игиме деб айтма.
- Аджал соруб келмез, келсе, къайтыб кетмез.
- Ат басханны джер билед.
- Акъыл къартда, джашда тюйюлдю – башдады.
- Акъыллы башны – тили къысха.
- Айныгъанлы алты кюн, тогъайгъанлы тогъуз кюн.
- Берекет берсин деген джерде, берекет болур.
- Тыш элде солтан болгъандан эсе, кесинги элде олтан болгъан игиди!
- Къызын тута билмеген, тул этер, джашын тута билмеген, къул этер.
- Кёб къычыргъандан – къоркъма, тынч олтургъандан – къоркъ.
- Аманнга алтын чыдамаз.
- Чомартха хар кюн да байрамды.
- Окъуусуз билим – джокъ, билимсиз кюнюнг – джокъ.
- Кенгеш болса, уруш болмаз.
- Ишге юренсин къоллары, халкъ бла болсун джоллары.
- Къумурсхала джыйылсала, пилни да джыгъадыла.
- Эринчекни эр алмаз, эр алса да, кёл салмаз, кёл салса да, кёб бармаз!
- Джашда акъыл джокъ, къартда къарыу джокъ.
- Кюн – узун, ёмюр – къысха.
- Джерни букъусу кёкге къонмаз.
- Таукел адам тау тешер.
- Джахил болса анасы, не билликди баласы?
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Чакъырылмагъан къонакъ къачан кетерин сормаз.
- Адеб джокъда, намыс джокъ.
- Тил – кесген бычакъ, сёз – атылгъан окъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тёрде – темир таякълы, къаяда – чыпчыкъ аякълы.
- Хоншуну тауугъу къаз кёрюнюр, келини къыз кёрюнюр.
- Билим – акъылны чырагъы.
силовой тренинг, единоборства, самозащита, здоровье.....
|
спасибо, интересные сайты, прочитал с удовольствием, буду еще заглядывать))
|
||||
|
|
|
|||
Читают тему (гостей: 1)