- Биреуге кёлтюрген таягъынг, кесинги башынга урур.
- Юреннген ауруу къалмаз.
- Къызгъанчдан ычхыныр, мухардан ычхынмаз.
- Айран ичген – къутулду, джугъусун джалагъан – тутулду.
- Акъыл аздырмаз, билим тоздурмаз.
- Байны къызы баймакъ болса да, юйде къалмаз!
- Къартха ушагъан джаш – акъыллы, джашха ушагъан къарт – тели.
- Чакъырылмагъан къонакъ – орунсуз.
- Нарт сёз – тилни бети.
- Къолу уллу – асыу, аягъы уллу – джарсыу.
- Тёзген – тёш ашар!
- Аджалсыз ёлюм болмаз.
- Ойнай-ойнай кёз чыгъар.
- Кёзню ачылгъаны – иги, ауузну джабылгъаны – иги.
- Малны кют, джерни тюрт.
- Тай асырагъан, атха минер.
- Ата Джуртуму башы болмасам да, босагъасында ташы болайым.
- Джылыгъа джылан илешир.
- Киштикге къанат битсе, чыпчыкъ къалмаз эди.
- Уллу къазанда бишген эт, чий къалмаз.
- Келинни – келгинчи, бёркню кийгинчи кёр.
- Булут кёкге джарашыу, уят бетге джарашыу.
- Азыкълы ат арымаз, къатыны аман джарымаз.
- Къая джолда джортма, ачыкъ сёзден къоркъма.
- Байдан умут эте, джарлыдан ёгюз багъасы къорады.
- Ашхы – джыяр, аман – джояр.
- Зар адам ашынгы ашар, кесинги сатар.
- Тёзгеннге, джабылгъан эшик ачылыр.
- Кёбден умут этиб, аздан къуру къалма.
- Бек ашыкъгъан меннге джетсин, дегенди аракъы.
- Къоркъакъны кёзю экили кёрюр.
- Юй ишлеген балта эшикде къалыр.
- Джашда акъыл джокъ, къартда къарыу джокъ.
- Термилгенинги табмазса, кюлгенинге тюберсе.
- Ётюрюкню башын керти кесер.
- Иги болса, тамадама – махтау, аман болса, меннге – айыб.
- Бети къызарыучу адамны, джюреги харам болмаз.
- Айранны сюйген, ийнек тутар.
- Рысхысына кёре, джаш ёсер, къышлыгъына кёре, мал ёсер.
- Аз сёлешген, къайгъысыз турур.
- Эки къатын алгъанны къулагъы тынгнгаймаз.
- Къонакъ кёб келюучю юйню, къазаны отдан тюшмез.
- Билим – акъылны чырагъы.
- Джашлыкъ этмеген, башлыкъ этмез.
- Къатын байлыкъны сюер, эр саулукъну сюер.
- Ашхылыкъ джерде джатмайды, аманлыкъ суугъа батмайды.
- Бети – къучакълар, джюреги – бычакълар.
- Ариу джол аджал келтирмез.
- Намысы джокъну – дуниясы джокъ.
- Аман къатын алгъан, арыр, иги къатын алгъан джарыр.
силовой тренинг, единоборства, самозащита, здоровье.....
13.04.2010 23:04:55
спасибо, интересные сайты, прочитал с удовольствием, буду еще заглядывать))
|
||||
|
|
|||
Читают тему (гостей: 1)