- Чыбыкълыкъда бюгюлмеген, къазыкълыкъда бюгюлмей эди.
- Аман къатын сабий табса, бий болур…
- Тенгни тенглиги джашай барсанг билинир.
- Аш кетер да бет къалыр.
- Джолда аягъынга сакъ бол, ушакъда тилинге сакъ бол.
- Ойнай билмеген, уруб къачар.
- Уллу айтханны этмеген – уллаймаз.
- Ач къарным, тынч къулагъым.
- Акъыл къартда, джашда тюйюлдю – башдады.
- Мал тутхан – май джалар.
- Керти сёзге тёре джокъ.
- Байдан умут эте, джарлыдан ёгюз багъасы къорады.
- Мураты болгъанны джюрек тебюую башхады.
- Ёлген ийнек сютлю болур.
- Элге къуллукъ этмеген, элге ие болмаз.
- Ётген ёмюр – акъгъан суу.
- Иги адам абынса да, джангылмаз.
- Тёрдеги кюлсе, эшикдеги ышарыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Хоншуну тауугъу къаз кёрюнюр, келини къыз кёрюнюр.
- Керек ташны ауурлугъу джокъ.
- Эшекге миннген – биринчи айыб, андан джыгъылгъан – экинчи айыб.
- Къонакъ хазыр болгъанлыкъгъа, къонакъбай хазыр тюлдю.
- Сакъламагъан затынга джолукъсанг, не бек къууанаса, не бек ачыйса.
- Иги болса, тамадама – махтау, аман болса, меннге – айыб.
- Аман адамны тепсинге олтуртсанг, къызынгы тилер.
- Джырына кёре эжиую.
- Эки ойлашыб, бир сёлешген.
- Кёлсюзден сёзсюз тууар.
- Эки къатын алгъанны къулагъы тынгнгаймаз.
- Атынг аманнга чыкъгъандан эсе, джанынг тамагъынгдан чыкъсын.
- Этек чакъмакълары баш джаргъан, сёлешген сёзлери таш джаргъан.
- Махтаннган къыз, тойда джукълар.
- Кёб ант этген, кёб ётюрюк айтыр.
- Къыз чыгъаргъан – къызыл къымжа.
- Сормай – алма, чакъырылмай – барма.
- Ачлыкъда тары гырджын халыуадан татлы.
- Хатерли къул болур.
- Борчунг бар эсе, хурджунунга ойлаб узал.
- Ётюрюк хапар аякъ тюбю бла джюрюйдю.
- Къоркъакъны кёзю экили кёрюр.
- Тойгъан антын унутур.
- Нарт сёз – тилни бети.
- Ач, тоймам, дейди, тойгъан, ач болмам, дейди.
- Тюзлюк тас болмайды.
- Къартны сыйын кёрмеген, къартлыгъында сыйлы болмаз.
- Джаралыны джастыгъында сау ёлюр.
- Тамчы таш тешер.
- Биреуню къыйынлыгъы бла кесинге джол ишлеме.
- Тёзгеннге, джабылгъан эшик ачылыр.
А знаете ли вы, что...
16.06.2006 23:08:45
Сау бол,[b:246850122c]Курман[/b:246850122c],:smt002 очень интересно было!!! :smt006
|
|
|
|
23.06.2006 02:41:11
Очень интересно, узнала много нового. Пишите еще кто что знает
|
|
|
|
04.07.2006 02:47:52
Оченьинтересно, а откуда эта информацмя? Хочу побольше очитать
|
|
|
|
05.08.2006 17:37:50
:-k :smt107 ........... so interesting..........
|
|
|
|
29.11.2006 15:48:36
...
|
|
|
|
13.05.2007 19:59:01
|
||||
|
|
|||
Читают тему (гостей: 1)