- Ёксюзню къалачы уллу кёрюнюр.
- Мухардан ач ычхынмаз.
- Къыз келсе, джумуш эте келеди, къатын келсе, ушакъ эте келеди.
- Тели турса – той бузар.
- Эшекге миннген – биринчи айыб, андан джыгъылгъан – экинчи айыб.
- Акъыллы башны – тили къысха.
- Джумушакъ терекни къурт ашар.
- Ач къарным, тынч къулагъым.
- Эм ашхы къайын ана мамукъ бла башынгы тешер.
- Суу кетер, таш къалыр.
- Билимли ёлмез, билимсиз кёрмез.
- Рысхы джалгъанды: келген да этер, кетген да этер.
- Джашынгы кесинг юретмесенг, джашау юретир.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джиби бир къат джетмей эди да, эки къат тарта эди.
- Эки элинги тыйсанг, джети элде махталырса.
- Чёбню кёлтюрсенг, тюбюнден сёз чыгъар.
- Малны кют, джерни тюрт.
- Башсыз урчукъ тюзюне айланмаз.
- От кюйдюрген, сау болса да, тот кюйдюрген, сау болмаз.
- Тамырсыз терекге таянма – джыгъылырса.
- Чыкълы кюнде чыкъмагъан, чыкъса къуру кирмеген.
- Тойгъан антын унутур.
- Тойчу джашха къарама, къойчу джашха къара.
- Тил бла келеди джыр да.
- Адебни адебсизден юрен.
- Эр сокъур болсун, къатын тилсиз болсун.
- Тюкюрюк баш джармаз, налат кёз чыгъармаз!
- Чабар ат – джетген къыз.
- Бозаны арты дауур болур.
- Ач келгенни – тойдур, кеч келгенни – къондур.
- Кийим тукъум сордурур.
- Эллинг бла джау болсанг да, юйюнг бла джау болма.
- Кёкдеги болмаса, джердегин кёрмейди.
- Терслик кетер, тюзлюк джетер.
- Уллу суу бла уллу ауруудан башынгы сакъла.
- Ач, тоймам, дейди, тойгъан, ач болмам, дейди.
- Этни да ашады, бетни да ашады.
- Джыйырма къойну юч джыйырма эбзе кюте эди.
- Ашхы сёз таш тешер.
- Къулакъдан эсе, кёзге ышан.
- Окъдан джара эртде-кеч болса да бителир, сёз джара, ёмюрге къалыр.
- Сакъ юйюне сау барыр.
- Джарлы тюеге минсе да, ит къабар.
- Джюрек кёзден алгъа кёрюр.
- Кеси юйюмде мен да ханма.
- Къарнынг тойгъунчу аша да, белинг талгъынчы ишле.
- Артына баргъанны, къатына барма.
- Дуния малгъа сатылма, кесингден телиге къатылма.
- Тик ёргени, тик энгишгеси да болады.
А знаете ли вы, что...
16.06.2006 23:08:45
Сау бол,[b:246850122c]Курман[/b:246850122c],:smt002 очень интересно было!!! :smt006
|
|
|
|
23.06.2006 02:41:11
Очень интересно, узнала много нового. Пишите еще кто что знает
|
|
|
|
04.07.2006 02:47:52
Оченьинтересно, а откуда эта информацмя? Хочу побольше очитать
|
|
|
|
05.08.2006 17:37:50
:-k :smt107 ........... so interesting..........
|
|
|
|
29.11.2006 15:48:36
...
|
|
|
|
13.05.2007 19:59:01
|
||||
|
|
|||
Читают тему (гостей: 1)