- Айныгъанлы алты кюн, тогъайгъанлы тогъуз кюн.
- Аджалсыз ёлюм болмаз.
- Джылыгъа джылан илешир.
- Къызгъанчдан ычхыныр, мухардан ычхынмаз.
- Шайтан алдады, тюзлюк къаргъады.
- Ашыкъгъан cуу, тенгизге джетмез.
- Бермеген къол, алмайды.
- Уясында не кёрсе, учханында аны этер.
- Окъуусуз билим – джокъ, билимсиз кюнюнг – джокъ.
- Ашда уялгъан – мухар, ишде уялгъан – хомух.
- Махтаннган къыз, тойда джукълар.
- Къулакъдан эсе, кёзге ышан.
- Джаш къарыу бла кючлю, къарт акъыл бла кючлю.
- Тас болгъан бычакъны сабы – алтын.
- Эл элде бирер малынг болгъандан эсе, бирер тенгинг болсун.
- Адамгъа аман кюн соруб келмейди.
- Тил джюрекге джол ишлейди.
- Къан бла кирген, джан бла чыгъар.
- Душманны тышы – акъ, ичи – къара.
- Къазанчы аман болса, къазаны къайнамаз.
- Юре билмеген ит, къонакъ келтирир.
- Алтыннга тот къонмаз.
- Суу да къайтады чыкъгъан джерине.
- Дуния малгъа сатылма, кесингден телиге къатылма.
- Керти сёзге тёре джокъ.
- Къызны минг тилер, бир алыр.
- Адам сёзге тынгыла, акъыл сёзню ангыла.
- Билмегенинги, билгеннге сор.
- Акъыл бла адеб эгизледиле.
- Ауругъаннга – кийик саулукъ, джетген къызгъа – чилле джаулукъ.
- Ёлген эшек бёрюден къоркъмайды.
- Джюрекге ариу – кёзге да ариу.
- Тилде сюек болмаса да, сюек сындырыр.
- Чабакъсыз кёлге къармакъ салгъанлыкъгъа, чабакъ тутмазса.
- Оюмсуз атлагъан, аджалсыз ёлюр.
- Насыблы элин сюер, насыбсыз кесин сюер.
- Билим ат болуб да чабар, къуш болуб да учар.
- Бёрю да ач къалмасын, эчки да ашалмасын.
- Тик ёргени, тик энгишгеси да болады.
- Урама да – ёледи, сатама да – келеди.
- Тюзлюк тас болмайды.
- Тай асырагъан, атха минер.
- Юй кюйдю да, кюйюз чыкъды, ортасындан тюйюш чыкъды.
- Ишлегенден, къарагъан уста.
- Ата Джуртуму башы болмасам да, босагъасында ташы болайым.
- Ашаса, ашамаса да, бёрюню ауузу – къан.
- Джыланны къуйругъундан басарынг келсе, аны башы болгъанын унутма.
- Киштикге къанат битсе, чыпчыкъ къалмаз эди.
- Чомартха Тейри да борчлуду.
- Адамны аты башхача, акъылы да башхады.
СРОЧНО!!! ТРЕБУЕТСЯ НЯНЯ!
|
за дополнительной информацией и с предложениями обращаться по телефону 89091620443 - Марина
электронный адрес elbrysska@mail.ru
|
||||
|
|
|
|||
Читают тему (гостей: 1)