- Чыкълы кюнде чыкъмагъан, чыкъса къуру кирмеген.
- Атынг аманнга чыкъгъандан эсе, джанынг тамагъынгдан чыкъсын.
- Узун джолну барсанг, бюгюн келирсе, къысха джолну барсанг, тамбла келирсе.
- Тынгылагъан тынгы бузар.
- Ариу джол аджал келтирмез.
- Кийимни бир кюнню аясанг, минг кюннге джарар.
- Кёзню ачылгъаны – иги, ауузну джабылгъаны – иги.
- Кютгени беш эчки, сызгъыргъаны уа, джерни джарады.
- Кимни – тили, тиши онглу, кимни – къолу, иши онглу.
- Къонагъынгы артмагъын алма да, алгъышын ал.
- Иги сёз – джаннга азыкъ, аман сёз башха – къазыкъ.
- Сангырау къулакъ эл бузар.
- Джеринден айырылгъан – джети джылар, джуртундан айырылгъан – ёлгюнчю джылар.
- Бети – къучакълар, джюреги – бычакълар.
- Кюл тюбюндеги от кёрюнмейди.
- Аман адамны тепсинге олтуртсанг, къызынгы тилер.
- Халкъгъа джарагъан, джарлы къалмаз.
- Къолунгдан къуймакъ ашатсанг да, атаны борчундан къутулмазса.
- Алим болгъандан эсе, адам болгъан къыйынды.
- Мухардан ач ычхынмаз.
- Ашына кёре табагъы, балына кёре къалагъы.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къалгъан ишге къар джауар.
- Абынмазлыкъ аякъ джокъ, джангылмазлыкъ джаякъ джокъ.
- Сёз садакъдан кючлюдю.
- Байлыкъ келсе, акъыл кетер.
- Башда акъыл болмаса, эки аякъгъа кюч джетер.
- Акъыл къартда, джашда тюйюлдю – башдады.
- Билмейме деген – бир сёз
- Къарнынг къанлынга кийирир.
- Айырылгъанланы айю ашар, бёлюннгенлени бёрю ашар.
- Окъуу – билимни ачхычы, окъуу – дунияны бачхычы.
- Тура эдим джата, къайдан чыкъды хата?
- Акъыллы эркиши атын махтар, акъылсыз эркиши къатынын махтар.
- Эри аманны, къатыны – аман.
- Ётюрюк хапар аякъ тюбю бла джюрюйдю.
- Нарт сёз къарт болмаз.
- Сабыр джетер муратха, сабырсыз къалыр уятха.
- Джюрекден джюрекге джол барды.
- Ана къолу ачытмаз.
- Айран ичген – къутулду, джугъусун джалагъан – тутулду.
- Аууздан келген, къолдан келсе, ким да патчах болур эди.
- Айранын берсенг, челегин да къызгъанма.
- Эринчекге кюн узун.
- Аман эсирсе, юйюн ояр.
- Элге къуллукъ этмеген, элге ие болмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джашда акъыл джокъ, къартда къарыу джокъ.
- Тил – кесген бычакъ, сёз – атылгъан окъ.
- Суугъа – таянма, джаугъа – ийнанма.
Тематические вечера/круглые столы. Карьерный клуб
Читают тему (гостей: 1)