- Тёзген – тёш ашар!
- Нёгерсизни джолу узун.
- Сагъыш – къартлыкъгъа сюйюмчю.
- Ауузу аманнга «иги», деме.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Юреннген ауруу къалмаз.
- Мал ёлсе, сюек къалыр, адам ёлсе, иши къалыр.
- От кюйдюрген, сау болса да, тот кюйдюрген, сау болмаз.
- Ачыкъ джюрекге джол – ачыкъ.
- Танг атмайма десе да, кюн къоярыкъ тюйюлдю.
- Ёгюзню мюйюзлери ауурлукъ этмейдиле.
- Сескекли кесин билдирир.
- Эркиши – от, тиширыу – суу.
- Эки къатын алгъанны къулагъы тынгнгаймаз.
- Аурууну келиую тынч, кетиую – къыйын.
- Ёмюрлюк шохлукъну джел элтмез.
- Тёрени джагъы джокъ.
- Ана – юйню кюн джарыгъы.
- Къарнынг тойгъунчу аша да, белинг талгъынчы ишле.
- Сёз къанатсыз учар.
- Аджаллыгъа окъсуз шкок атылыр.
- Чомарт къонакъ юй иесин сыйлар.
- Босагъа таш юйге кирмей эди, тыбыр таш эшикге чыкъмай эди.
- Алим болгъандан эсе, адам болгъан къыйынды.
- Иги адам абынса да, джангылмаз.
- Чакъырылмагъан къонакъ къачан кетерин сормаз.
- Къонакъны къачан кетерин сорма, къачан келлигин сор.
- Билим – акъылны чырагъы.
- Уллу къазанда бишген эт, чий къалмаз.
- Къарт айтханны этмеген, къартаймаз.
- Чакъырылмагъан къонакъ – орунсуз.
- Джарлы джети элни сёзюн этер.
- Ариу – кёзге, акъыл – джюрекге.
- Ким бла джюрюсенг, аны кёзю бла кёрюнюрсе.
- Ишин билген, аны сыйын чыгъарады.
- Ёзденликни джайгъан – джокълукъ.
- Джумушакъ сёз къаты таякъны сындырыр.
- Татлы тилде – сёз ариу, чемер къолда – иш ариу.
- Тин – байлыгъынг, терен саулугъунг.
- Чакъырылмагъан къонакъ тёрге атламаз.
- Кёл – къызбай, къол – батыр.
- Бал ашаргъа сюе эсенг, чибин ургъаннга тёз.
- Ариу сёзде ауруу джокъ.
- Акъыллы – эл иеси, тели – эл баласы.
- Бастасын ашагъан, хантусун да ичер.
- Тил – миллетни джаны.
- Тойгъан джерден туугъан джер игиди.
- Кютгени беш эчки, сызгъыргъаны уа, джерни джарады.
- Адебсиз адам – джюгенсиз ат.
- Къонакъ болсанг, ийнакъ бол.
18.12.2009: тематический вечер в Эльбрусоиде.
Читают тему (гостей: 1)