- Эллинг бла джау болсанг да, юйюнг бла джау болма.
- Джауумдан сора, кюн кюйдюрюр, ётюрюкден сора, айыб кюйдюрюр.
- Байма, деб да, къууанма, джарлыма, деб да, джылама.
- Къобан да къуру да къобханлай турмайды, адам да къуру да патчахлай турмайды.
- Таш бла ургъанны, аш бла ур.
- Ач къарным, тынч къулагъым.
- Эр сокъур болсун, къатын тилсиз болсун.
- Ёзденликни джайгъан – джокълукъ.
- Ётюрюкден тюбю джокъ, кёлтюрюрге джиби джокъ.
- Юй ишлеген балта эшикде къалыр.
- Аш берме да, къаш бер.
- Чомарт джарлы болмаз.
- Адам сёзюнден белгили.
- Алтыда кюлмеген, алтмышда кюлмез.
- Къууут – джелге, берне – бошха.
- Тили узунну, намысы – къысха.
- Бек анасы джыламаз.
- Берекет берсин деген джерде, берекет болур.
- Тура эдим джата, къайдан чыкъды хата?
- Джиби бир къат джетмей эди да, эки къат тарта эди.
- Аджаллыгъа окъсуз шкок атылыр.
- Татлы тилде – сёз ариу, чемер къолда – иш ариу.
- Магъанасыз сёз – тауушсуз сыбызгъы.
- Адебсиз адам – джюгенсиз ат.
- Къан бла кирген, джан бла чыгъар.
- Кёб джашагъан – кёб билир.
- Иши джокъну, сыйы джокъ.
- Къатын къылыкъсыз, эр тынчлыкъсыз.
- Адамны сыфатына къарама, сёзюне къара.
- Арпа, будай – ащды, алтын, кюмюш а – ташды.
- Чомартха Тейри да борчлуду.
- Джырына кёре эжиую.
- Чакъырылгъанны аты, чакъырылмагъанны багъасы болур.
- Кечеси – аяз, кюню – къыш, джарлы къаргъагъа бир аш тюш!
- Ёлген аслан – сау чычхан.
- Эте билген, этген этеди, эте билмеген, юретген этеди!
- Билими азны – ауузунда кирит.
- Къызбайны юйюне дери сюрсенг, батыр болур.
- Тешик этген тынчды, аны джамагъан къыйынды.
- Дуния мал дунияда къалады.
- Сютден ауузу кюйген, суугъа юфгюре эди.
- Махтаннган къыз, тойда джукълар.
- Атлыны ашхысы, ат тизгининден билинир
- Тыш элде солтан болгъандан эсе, кесинги элде олтан болгъан игиди!
- Намыс сатылыб алынмайды.
- Джаз бир кюнню джатсанг, къыш талай кюнню абынырса.
- Элиб деген, элге болушур.
- Таякъ этден ётер, тил сюекден ётер.
- Таукел адам тау тешер.
- Тулпарлыкъ, билекден тюл – джюрекден.
НОВОГОДНИЙ ТЕАТРАЛИЗОВАННЫЙ ГАЛА-КОНЦЕРТ
Читают тему (гостей: 1)