- Ашлыкъны арба юйге келтирир, чана базаргъа элтир.
- Кёзю сокъурдан – къоркъма, кёлю сокъурдан – къоркъ.
- Аууз сакълагъан – джан сакълар.
- Ач да бол, токъ да бол – намысынга бек бол.
- Аман адамны тепсинге олтуртсанг, къызынгы тилер.
- Таукел къуру къалмаз.
- Къарт болгъан джерде, берекет болур, сабий болгъан джерде, оюн болур.
- Сёз садакъдан кючлюдю.
- Кесинг сынамагъан затны, адамгъа буюрма.
- Чомарт къолда мал къалмаз.
- Акъыл сабырлыкъ берир.
- Малны кют, джерни тюрт.
- Мухардан ач ычхынмаз.
- Билимден уллу байлыкъ джокъду.
- Ашхы болсанг, атынг чыгъар, аман болсанг, джанынг чыгъар.
- Джашлыкъ этмеген, башлыкъ этмез.
- Чомартха хар кюн да байрамды.
- Къызны минг тилер, бир алыр.
- Тау башында, тау болмаз, джангыз терек, бау болмаз.
- Шапа кёб болса, аш татымсыз болур.
- Акъыл аздырмаз, билим тоздурмаз.
- Агъач – джерни чырайы, кийим – эрни чырайы.
- Эм ашхы къайын ана мамукъ бла башынгы тешер.
- Джыгъылгъанны сырты джерден тоймаз.
- Аман адам элни бир-бирине джау этер.
- Юре билмеген ит, къонакъ келтирир.
- Суу кетер, таш къалыр.
- Адеб джокъда, намыс джокъ.
- От этилмеген джерден тютюн чыкъмайды.
- Аман къатын сабий табса, бий болур…
- Эрине къаргъыш этген къатын, эрнин къабар.
- Садакъачыны джаны – къапчыгъында.
- Эринчекге кюн узун.
- Суу да къайтады чыкъгъан джерине.
- Бал чибинни ургъаны – ачы, балы – татлы.
- Байлыкъдан саулукъ ашхыды.
- Ёзденликни джайгъан – джокълукъ.
- Нарт сёз – тилни бети.
- Ата Джуртун танымагъан, атасын да танымаз.
- Эри аманны, къатыны – аман.
- Чакъырылмай келген къонакъ сыйланмай кетер.
- Айтхан – тынч, этген – къыйын.
- Сыфатында болмагъаны, суратында болмаз.
- Тюз сёз баргъан сууну тыяр.
- Нафысынгы айтханын этме, намысынгы айтханын эт.
- Юй кюйдю да, кюйюз чыкъды, ортасындан тюйюш чыкъды.
- Тилчи тилден къаныкъмаз.
- Юйлю уругъа ит чабмаз.
- Кесине гебен этелмеген, биреуге черен эте эди.
- Къарнынг къанлынга кийирир.
Ценителей истории и культуры нашего народа приглашаем...
|
||||
|
|
|
|||
Читают тему (гостей: 1)