- Башсыз урчукъ тюзюне айланмаз.
- Акъыл бла адеб эгизледиле.
- Джашны джигитлиги сорулур, къызны джигерлиги сорулур.
- Бек ашыкъгъан меннге джетсин, дегенди аракъы.
- Джырчы ёлсе, джыры къалыр.
- Чыкълы кюнде чыкъмагъан, чыкъса къуру кирмеген.
- Къартны сыйын кёрмеген, къартлыгъында сыйлы болмаз.
- Башланнган иш битер, къымылдагъан тиш тюшер.
- Бермеген къол, алмайды.
- Таукел къуру къалмаз.
- Насыблы элин сюер, насыбсыз кесин сюер.
- Тёгюлген тюгел джыйылмайды.
- Башда акъыл болмаса, эки аякъгъа кюч джетер.
- Таш бла ургъанны, аш бла ур.
- Баш болса, бёрк табылыр.
- Тура эдим джата, къайдан чыкъды хата?
- Эрине къаргъыш этген къатын, эрнин къабар.
- Ишленмеклик адамлыкъды.
- Арпа, будай – ащды, алтын, кюмюш а – ташды.
- Кёзню ачылгъаны – иги, ауузну джабылгъаны – иги.
- Таукел адам тау тешер.
- Бети бедерден, намыс сакълама.
- Аурууну келиую тынч, кетиую – къыйын.
- Душманны тышы – акъ, ичи – къара.
- Ашхы болсанг, атынг чыгъар, аман болсанг, джанынг чыгъар.
- Къанны къан бла джуума, аманны аман бла къуума.
- Джахил болса анасы, не билликди баласы?
- Аман адам элни бир-бирине джау этер.
- Къазанда болса, чолпугъа чыгъар.
- Байма, деб да, къууанма, джарлыма, деб да, джылама.
- Иги болса, тамадама – махтау, аман болса, меннге – айыб.
- Мал ёлсе, сюек къалыр, адам ёлсе, иши къалыр.
- Таугъа чыгъаллыкъ эсенг, тюзде къалма.
- Байдан умут эте, джарлыдан ёгюз багъасы къорады.
- Ханнга да келеди хариблик.
- Айтханы чапыракъдан ётмеген.
- Тамчы таш тешер.
- Сангырау къулакъ эл бузар.
- Келинни – келгинчи, бёркню кийгинчи кёр.
- Байлыкъ болгъан джерде, тынчлыкъ джокъду.
- Айтылгъан сёз ызына къайтмаз.
- Экеу тутушса, биреу джыгъылыр.
- Этим кетсе да, сюегим къалыр.
- Джюрекге ариу – кёзге да ариу.
- Чомарт джарлы болмаз.
- Зар адамны насыбы болмаз.
- Татлы сёз – балдан татлы.
- Ишлегенде эринме, ишде чолакъ кёрюнме.
- Ишленмеген джаш – джюгенсиз ат, ишленмеген къыз – тузсуз хант.
- Эринчекге кюн узун.
Ценителей истории и культуры нашего народа приглашаем...
|
||||
|
|
|
|||
Читают тему (гостей: 1)