- Абынмазлыкъ аякъ джокъ, джангылмазлыкъ джаякъ джокъ.
- Огъурлуну сёзю – суу, огъурсузну сёзю – уу.
- Аш хазыр болса, иш харам болур.
- Ашхы – джыяр, аман – джояр.
- Таукел тауну аудурур.
- Джумушакъ сёз къаты таякъны сындырыр.
- Бек ашыкъгъан меннге джетсин, дегенди аракъы.
- Мен да «сен», дейме, сен да «кесим», дейсе.
- Хаухну атма, ёнгкючню сатма.
- Ёлмесенг да, къарт дамы болмазса?
- Чабакъгъа акъыл, табагъа тюшсе келеди.
- Олтуруб кёрюнмей эди да, ёрге туруб кёрюне эди.
- Къызын тута билмеген, тул этер, джашын тута билмеген, къул этер.
- Биреуню эскиси биреуге джангы болмайды.
- Ауругъан – джашаудан умутчу.
- Къартны сыйын кёрмеген, къартлыгъында сыйлы болмаз.
- Бир абыннган – минг сюрюнюр.
- Иги адам абынса да, джангылмаз.
- Келинни – келгинчи, бёркню кийгинчи кёр.
- Ата Джуртуму башы болмасам да, босагъасында ташы болайым.
- Аз сёлешген, къайгъысыз турур.
- Къан бла кирген, джан бла чыгъар.
- Айныгъанлы алты кюн, тогъайгъанлы тогъуз кюн.
- Билим ат болуб да чабар, къуш болуб да учар.
- Аман адамны тепсинге олтуртсанг, къызынгы тилер.
- Тура эдим джата, къайдан чыкъды хата?
- Алим болгъандан эсе, адам болгъан къыйынды.
- Алгъанда – джууукъ, бергенде – джау.
- Кёб къычыргъандан – къоркъма, тынч олтургъандан – къоркъ.
- Ач уят къоймаз.
- Айтхан – тынч, этген – къыйын.
- Чомарт бергенин айтмаз.
- Ач бёрюге мекям джокъ.
- Борчунг бар эсе, хурджунунга ойлаб узал.
- Махтаннган къыз, тойда джукълар.
- Джерни букъусу кёкге къонмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Айранын берсенг, челегин да къызгъанма.
- Кёз – сюйген джерде, къол – ауругъан джерде.
- Иши джокъну, сыйы джокъ.
- Акъылсызны джууукъгъа алма, акъыллыны кенгнге салма.
- Кюн кёрмеген, кюн кёрсе, кюндюз чыракъ джандырыр.
- Суу кетер, таш къалыр.
- Аш иеси бла татлыды.
- Билимли ёлмез, билимсиз кёрмез.
- Джашны джигитлиги сорулур, къызны джигерлиги сорулур.
- Ата – баланы уясы.
- Аякъларынгы джууургъанынга кёре узат.
- Кирсизни – саны таза, халалны – къаны таза.
- Аллахха ийнаннган кишини, Аллах онгдурур ишин.
Тематический вечер. Секреты женской красоты или Девишник 2))
Читают тему (гостей: 1)