- Джарлы тюеге минсе да, ит къабар.
- Гугук кесини атын айтыб къычыргъанча, мен, мен деб нек тураса?
- Къонакъ кёб келюучю юйню, къазаны отдан тюшмез.
- Эки итни арасына сюек атма, эки адамны арасында сёз чыгъарма.
- Юйлю уругъа ит чабмаз.
- Тамчы таш тешер.
- Акъыллы – эл иеси, тели – эл баласы.
- Окъугъанны бети джарыкъ.
- Айтхан – тынч, этген – къыйын.
- Эркишиге тары кебек танг кёрюнюр.
- Ышармагъан – кюлмез, кюлмеген – къууанчны билмез.
- Къарнынг тойгъунчу аша да, белинг талгъынчы ишле.
- Мен да «сен», дейме, сен да «кесим», дейсе.
- Накъырданы арты керти болур.
- Термилгенинги табмазса, кюлгенинге тюберсе.
- Ётген ёмюр – акъгъан суу.
- Байлыкъ адамны сокъур этер.
- Тюкюрюк баш джармаз, налат кёз чыгъармаз!
- Аш хазыр болса, иш харам болур.
- Уллу сёлешме да, уллу къаб.
- Ариу сёз аурууунгу алыр.
- Чёбню кёлтюрсенг, тюбюнден сёз чыгъар.
- Чарсда алчыны эл кёреди.
- Айранны сюйген, ийнек тутар.
- Тынгылагъан тынгы бузар.
- Таула не мийик болсала да, аууш табылыр.
- Тилде сюек болмаса да, сюек сындырыр.
- Джылар джаш, атасыны сакъалы бла ойнар.
- Тилчи бир сагъатха айлыкъ хата этер.
- Ариу сёзде ауруу джокъ.
- Тенги кёбню джау алмаз, акъылы кёбню дау алмаз.
- Окъуу – билимни ачхычы, окъуу – дунияны бачхычы.
- Мухар, кеси тойса да, кёзю тоймаз.
- Чалманны аллы къалай башланса, арты да алай барады.
- Джолунга кёре – джюрюшюнг, джагъанга кёре – юлюшюнг.
- Биреуге аманлыкъны тилеме да, кесинге ашхылыкъны тиле.
- Элиб деген, элге болушур.
- Чабакъсыз кёлге къармакъ салгъанлыкъгъа, чабакъ тутмазса.
- Тулпарлыкъ, билекден тюл – джюрекден.
- Джюз элде джюз ёгюзюм болгъандан эсе, джюз джууугъум болсун.
- Сабийликде юретмесенг, уллу болса – тюзелмез.
- Рысхы – сют юсюнде кёмюк кибикди.
- Бети бедерден, намыс сакълама.
- Терслик кетер, тюзлюк джетер.
- Ишлерге уял да, ашаргъа табма.
- Чыбыкълыкъда бюгюлмеген, къазыкълыкъда бюгюлмей эди.
- Ач бёрюге мекям джокъ.
- Адам къыйынлыгъын кёлтюрюр, зауукълугъун кёлтюрмез.
- Чомартха Тейри да борчлуду.
- Биреу ашаб къутулур, биреу джалаб тутулур.
