- Билимли ёлмез, билимсиз кёрмез.
- Зар адамны насыбы болмаз.
- Иги сёз – джаннга азыкъ, аман сёз башха – къазыкъ.
- Кюлме джашха – келир башха.
- Кёб ант этген, кёб ётюрюк айтыр.
- Билим насыб берир, билим джолну керир.
- Телини эшигин, махтау джабар.
- Адеби болмагъан къыз – тузсуз хант.
- Ойнай билмеген, оюн бузар.
- Байны къызы баймакъ болса да, юйде къалмаз!
- Нёгерсизни джолу узун.
- Эшекни не къадар тюйсенг да, ат болмаз.
- Рысхы – насыбха къор.
- Чомартны къолу берекет.
- Тешик этген тынчды, аны джамагъан къыйынды.
- Кёбге таш атма.
- Къатын байлыкъны сюер, эр саулукъну сюер.
- Аш берме да, къаш бер.
- Аманнга алтын чыдамаз.
- Келлик заман – къартлыкъ келтирир, кетген заман – джашлыкъ ёлтюрюр.
- Чакъырылмагъан къонакъ – орунсуз.
- Хунаны тюбюн къазсанг, юсюнге ауар.
- Билимсиз иш бармаз.
- Байлыкъ келсе, акъыл кетер.
- Чалманны аллы къалай башланса, арты да алай барады.
- Таш бла ургъанны, аш бла ур.
- Бозанг болмагъан джерге, къалагъынгы сукъма.
- Татлы сёз – балдан татлы.
- Джылкъыдан – ат чыгъар, тукъумдан – джаш чыгъар.
- Акъдан къара болмаз.
- Тенгни тенглиги джашай барсанг билинир.
- Битмегеннге сакъал – танг.
- Айтхан – тынч, этген – къыйын.
- Билмейме деген – бир сёз
- Аллахха ийнаннган кишини, Аллах онгдурур ишин.
- Гитче джилтин уллу элни джандырыр.
- Аджалсыз ёлюм болмаз.
- Бёрю да ач къалмасын, эчки да ашалмасын.
- Джахил болса анасы, не билликди баласы?
- Эрине къаргъыш этген къатын, эрнин къабар.
- Ачлыкъ отха секиртир.
- Тойгъан джерден туугъан джер игиди.
- Тенгинг джокъ эсе – изле, бар эсе – сакъла!
- Къыйынлы джети элни къайгъысын этер.
- Адамны джюреги нени кёрюрге сюйсе, кёзю да аны кёрюрге ёч болады.
- Урама да – ёледи, сатама да – келеди.
- Кечеси – аяз, кюню – къыш, джарлы къаргъагъа бир аш тюш!
- Башсыз урчукъ тюзюне айланмаз.
- Джаралыны джастыгъында сау ёлюр.
- Юйюнгден чыкъдынг – кюнюнгден чыкъдынг.
