- Ашына кёре табагъы, балына кёре къалагъы.
- Ашхы – джыяр, аман – джояр.
- Тойну къарнашы – харс, джырны къарнашы – эжиу.
- Сабийликде юретмесенг, уллу болса – тюзелмез.
- Биреуге аманлыкъны тилеме да, кесинге ашхылыкъны тиле.
- Ач къарным, тынч къулагъым.
- Бал – татлы, балдан да бала – татлы.
- Къошда джокъгъа – юлюш джокъ.
- Джаным-тиним – окъуу, билим.
- Ата джурт – алтын бешик.
- Хар сёзню орну барды.
- Баш болса, бёрк табылыр.
- Адам къаллай бир ишленмесе, аллай бир кесин уллу кёреди.
- Уллу атлама – абынырса, уллу къабма – къарылырса.
- Кёб ант этген, кёб ётюрюк айтыр.
- Джарлы джети элни сёзюн этер.
- Ишлемеген – тишлемез.
- Юйлю уругъа ит чабмаз.
- Ариу сёз аурууунгу алыр.
- Узун джолну барсанг, бюгюн келирсе, къысха джолну барсанг, тамбла келирсе.
- Сакъалы текени да бар, мыйыгъы киштикни да бар.
- Биреуню эскиси биреуге джангы болмайды.
- Юйюнгден чыкъдынг – кюнюнгден чыкъдынг.
- Кёл – къызбай, къол – батыр.
- Джюрекден джюрекге джол барды.
- Аманнга алтын чыдамаз.
- Ачылгъан эт джабылыр, кёрген кёз унутмаз.
- Мухар, кеси тойса да, кёзю тоймаз.
- Таукел къуру къалмаз.
- Ат басханны джер билед.
- Къралынгы – душмандан, башынгы от бла суудан сакъла.
- Сёз сёзню айтдырыр.
- Ашхы тенг джолгъа салыр, аман тенг джолдан тайдырыр.
- Чабакъгъа акъыл, табагъа тюшсе келеди.
- Тынгылагъан тынгы бузар.
- Къарнынг ауруса, ауузунгу тый
- Ашха уста, юйюнде болсун
- Намысы джокъну – дуниясы джокъ.
- Сютню башын джалагъан къутулур, тюбюн ичген тутулур.
- Къарнынг тойгъунчу аша да, белинг талгъынчы ишле.
- Ёзденликни кёбю ётюрюк.
- Ариуну – ауруу кёб.
- Нарт сёз къарт болмаз.
- Ариу сёзде ауруу джокъ.
- Ауругъан – джашаудан умутчу.
- Телиге акъыл салгъандан эсе, ёлгеннге джан салырса.
- Джахил болса анасы, не билликди баласы?
- Джогъун бар этген, барын бал этген.
- Ата – баланы уясы.
- Харам къарнашдан, халал тенг ашхы.
