- Ёгюзню мюйюзлери ауурлукъ этмейдиле.
- Нарт сёз – тилни бети.
- Сескекли кесин билдирир.
- Тик ёргени, тик энгишгеси да болады.
- Алтыда кюлмеген, алтмышда кюлмез.
- Тау башында, тау болмаз, джангыз терек, бау болмаз.
- Джарлыны эшигин махтагъан джабар.
- Сакъ юйюне сау барыр.
- Ач келгенни – тойдур, кеч келгенни – къондур.
- Джети тилни билген джети кишиди.
- Аджашхан тёгерек айланыр.
- Джолда аягъынга сакъ бол, ушакъда тилинге сакъ бол.
- Билим къая тешер.
- Тыш элде солтан болгъандан эсе, кесинги элде олтан болгъан игиди!
- Кенгеш болса, уруш болмаз.
- Кёзню ачылгъаны – иги, ауузну джабылгъаны – иги.
- Айтылгъан буйрукъ, сёгюлмез
- Тёзген – тёш ашар!
- Хаухну атма, ёнгкючню сатма.
- Адеб джокъда, намыс джокъ.
- Джюз элде джюз ёгюзюм болгъандан эсе, джюз джууугъум болсун.
- Магъанасыз сёз – тауушсуз сыбызгъы.
- Айтхан – тынч, этген – къыйын.
- Азыгъы аз, алгъа къабар, аты аман, алгъа чабар.
- Ач, тоймам, дейди, тойгъан, ач болмам, дейди.
- Таш ата билмеген, башына урур.
- Бетинги сатма, малынгы сат.
- Къартны бурнун сюрт да, оноугъа тут.
- Джюрекден джюрекге джол барды.
- Окъугъан – асыу, окъумагъан – джарсыу.
- Таугъа чыгъаллыкъ эсенг, тюзде къалма.
- «Ма», - дегенни билмесенг, «бер», - дегенни билмезсе.
- Шекер бла туз – бир болмаз, ушамагъан – юй болмаз.
- Юйюнг бла джау болгъандан эсе, элинг бла джау бол.
- Сабий кёргенин унутмаз.
- Биреуге аманлыкъны тилеме да, кесинге ашхылыкъны тиле.
- Ёлген ийнек сютлю болур.
- Ишлегенде эринме, ишде чолакъ кёрюнме.
- Уллу къашыкъ эрин джыртар.
- Чабакъсыз кёлге къармакъ салгъанлыкъгъа, чабакъ тутмазса.
- Айныгъанлы алты кюн, тогъайгъанлы тогъуз кюн.
- Экеу тутушса, биреу джыгъылыр.
- Ауурну тюбю бла, дженгилни башы бла джюрюген.
- Суу да къайтады чыкъгъан джерине.
- Ишленмеген джаш – джюгенсиз ат, ишленмеген къыз – тузсуз хант.
- Ата Джуртуму башы болмасам да, босагъасында ташы болайым.
- Уллу сёзде уят джокъ.
- Адеби болмагъан къыз – тузсуз хант.
- Мураты болгъанны джюрек тебюую башхады.
- Чабар ат – джетген къыз.
