Сормай – алма, чакъырылмай – барма.
Адебсиз адам – джюгенсиз ат.
Джашны джигитлиги сорулур, къызны джигерлиги сорулур.
Рысхы – насыбха къор.
Биреуню тёрюнден, кесинги эшик артынг игиди.
Эртде тургъан бла эртде юйленнген сокъуранмаз.
Айныгъанлы алты кюн, тогъайгъанлы тогъуз кюн.
Ишленмеклик адамлыкъды.
Ауругъан – джашаудан умутчу.
Бёрю да ач къалмасын, эчки да ашалмасын.
Ашхы болсанг, атынг чыгъар, аман болсанг, джанынг чыгъар.
Оюмсуз атлагъан, аджалсыз ёлюр.
Уллу сёлешме да, уллу къаб.
Ишлерге уял да, ашаргъа табма.
Ишленмеген джаш – джюгенсиз ат, ишленмеген къыз – тузсуз хант.
Ариу сёз джыланны орнундан чыгъарыр.
Ойнай билмеген, уруб къачар.
Игилик игилик бла сингдирилиучю затды.
Тил – кесген бычакъ, сёз – атылгъан окъ.
Башланнган иш битер, къымылдагъан тиш тюшер.
Ишлемеген – тишлемез.
Арыгъан къош чамчы болур.
Бойнуму джети джерден кессенг да, мен ол ишни этеллик тюлме.
Къолу уллу – асыу, аягъы уллу – джарсыу.
Эр сокъур болсун, къатын тилсиз болсун.
Мадар болса, къадар болур.
Джетген къыз джерли эшекни танымаз.
Ишлегенден, къарагъан уста.
Юй кюйдю да, кюйюз чыкъды, ортасындан тюйюш чыкъды.
Билмегенинги, билгеннге сор.
Ата – баланы уясы.
Чалманны аллы къалай башланса, арты да алай барады.
Махтаннган къыз, тойда джукълар.
Ауурну тюбю бла, дженгилни башы бла джюрюген.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Аш хазыр болса, иш харам болур.
Иги адамны бир сёзю эки болмаз.
Ишни аллы бла къууанма да, арты бла къууан.
Ата Джуртун танымагъан, атасын да танымаз.
Эл ауузу – элек, анга ийнаннган – халек.
Дууулдаса – бал чибин, къонса – къара чибин.
Кюн кёрмеген, кюн кёрсе, кюндюз чыракъ джандырыр.
Иги бла джюрюсенг, джетерсе муратынга, аман бла джюрюсенг, къалырса уятха.
Биреуге аманлыкъ этиб, кесинге игилик табмазса.
Ашхылыкъ джерде джатмайды, аманлыкъ суугъа батмайды.
Ишлегенде эринме, ишде чолакъ кёрюнме.
Терслик кетер, тюзлюк джетер.
Кюн – узун, ёмюр – къысха.
Джарлыны тону джаз битер.
Аман хансны – урлугъу кёб.
