- Аууз сакълагъан – джан сакълар.
- Къарнынг тойгъунчу аша да, белинг талгъынчы ишле.
- Джаш къарыу бла кючлю, къарт акъыл бла кючлю.
- Къызын тута билмеген, тул этер, джашын тута билмеген, къул этер.
- Эринчекни аурууу – кёб.
- Чомартны къолун джокълукъ байлар.
- Биреу ашаб къутулур, биреу джалаб тутулур.
- Ашхы атаны – джашы ашхы, ашхы ананы – къызы ашхы.
- Эки къатын алгъан – эки ташны ортасына башын салгъан.
- Уясында не кёрсе, учханында аны этер.
- Ёлюк кебинсиз къалмаз.
- Джерни букъусу кёкге къонмаз.
- Къонакъ болсанг, ийнакъ бол.
- Ашлыкъ – бюртюкден, джюн – тюкден.
- Ёпкелегенни ашы татлы болады.
- Урама да – ёледи, сатама да – келеди.
- Биреуню къыйынлыгъы бла кесинге джол ишлеме.
- Экиндини кеч къылсанг, чабыб джетер ашхам.
- Ургъан суудан башынгы сакъла.
- Къазанны башы ачыкъ болса, итге уят керекди.
- Накъырда – кертини келечиси.
- Тамбла алтындан бюгюн багъыр ашхы.
- Дуния аламаты сен эсенг да, игиме деб айтма.
- Билмейме деген – бир сёз
- Чабакъсыз кёлге къармакъ салгъанлыкъгъа, чабакъ тутмазса.
- Эри аманны, къатыны – аман.
- Дженгил джетерикме деб, узун джолну къоюб, къысхасын барма.
- Кёл ашады да, кеси ашады.
- Этек чакъмакълары баш джаргъан, сёлешген сёзлери таш джаргъан.
- Тамчы таш тешер.
- Айтхан – тынч, этген – къыйын.
- Дууулдаса – бал чибин, къонса – къара чибин.
- Тин – байлыгъынг, терен саулугъунг.
- Къарын къуру болса, джюрек уру болур.
- Тилде сюек болмаса да, сюек сындырыр.
- Мени джылытмагъан кюн, меннге тиймесин!
- Мен да «сен», дейме, сен да «кесим», дейсе.
- Уруну арты – къуру.
- Магъанасыз сёз – тауушсуз сыбызгъы.
- Джарлы джети элни сёзюн этер.
- Тура эдим джата, къайдан чыкъды хата?
- Ашхылыкъ джерде джатмайды, аманлыкъ суугъа батмайды.
- Кёз – сюйген джерде, къол – ауругъан джерде.
- Аз сёлешген, къайгъысыз турур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джуртун къоругъан озар.
- Ауузу бла къуш тута айланады.
- Акъыл неден да кючлюдю.
- Мал тутхан – май джалар.
- Чоюнну башы ачыкъ болса, итге уят керекди.
Удивительные совпадения!
03.11.2011 16:44:18
:smt129
|
|
|
|
17.11.2011 19:42:03
:smt081 :smt081 :smt081
почти как в анекдоте))))
|
||||
|
|
|||
Читают тему (гостей: 1)