- Сёз садакъдан кючлюдю.
- Къарыусузгъа кюлме, онгсузгъа тийме.
- Эки къатын алгъан – эки ташны ортасына башын салгъан.
- Эм ашхы къайын ана мамукъ бла башынгы тешер.
- Нафысынгы айтханын этме, намысынгы айтханын эт.
- Джаш къарыу бла кючлю, къарт акъыл бла кючлю.
- Киштикге къанат битсе, чыпчыкъ къалмаз эди.
- Джыгъылгъанны сырты джерден тоймаз.
- Башсыз урчукъ тюзюне айланмаз.
- Эртде тургъан джылкъычыны эркек аты тай табар.
- Адамны джюреги нени кёрюрге сюйсе, кёзю да аны кёрюрге ёч болады.
- Хаухну атма, ёнгкючню сатма.
- Мухарны эси – ашарыкъда.
- Аман адам элни бир-бирине джау этер.
- Бетинги сатма, малынгы сат.
- Тойгъанлыкъ къойгъа джарашады.
- Сютню башын джалагъан къутулур, тюбюн ичген тутулур.
- Ач къарным, тынч къулагъым.
- Ашарыкъда сайлагъаннга – чий гырджын.
- Таш бла ургъанны, аш бла ур.
- Ата – билек, ана – джюрек!
- Билим ат болуб да чабар, къуш болуб да учар.
- Аллахха ийнаннган кишини, Аллах онгдурур ишин.
- Иги адам абынса да, джангылмаз.
- Айыбны суу бла джууалмазса.
- Таякъ этден ётер, тил сюекден ётер.
- Уллу сёлешме да, уллу къаб.
- Таш ата билмеген, башына урур.
- Эл элде бирер малынг болгъандан эсе, бирер тенгинг болсун.
- Тюз сёз баргъан сууну тыяр.
- Ашхы атаны – джашы ашхы, ашхы ананы – къызы ашхы.
- Ашхы сёз таш тешер.
- Намыс болмагъан джерде, насыб болмаз.
- Къарнынг къанлынга кийирир.
- Къазанны башы ачыкъ болса, итге уят керекди.
- Эр сокъур болсун, къатын тилсиз болсун.
- Иги сёз – джаннга азыкъ, аман сёз башха – къазыкъ.
- Орну джокъну – сыйы джокъ.
- Мени джылытмагъан кюн, меннге тиймесин!
- Сагъышы джокъ – джукъучу, акъылы джокъ – къаугъачы.
- Чомарт къолда мал къалмаз.
- Къыз чыгъаргъан – къызыл къымжа.
- Бозанг болмагъан джерге, къалагъынгы сукъма.
- Мен да «сен», дейме, сен да «кесим», дейсе.
- Таула не мийик болсала да, аууш табылыр.
- Джюрек кёзден алгъа кёрюр.
- Уллу къазанда бишген эт, чий къалмаз.
- Ишлегенден, къарагъан уста.
- Башланнган иш битер, къымылдагъан тиш тюшер.
- Джашда акъыл джокъ, къартда къарыу джокъ.
Болгары - аборигены Кавказа?
Читают тему (гостей: 1)