- Хоншуну тауугъу къаз кёрюнюр, келини къыз кёрюнюр.
- Арпа, будай – ащды, алтын, кюмюш а – ташды.
- Къонагъы джокъну – шоху джокъ.
- Чёбню кёлтюрсенг, тюбюнден сёз чыгъар.
- Ишлегенде эринме, ишде чолакъ кёрюнме.
- Чомартны къолун джокълукъ байлар.
- Ариу – кёзге, акъыл – джюрекге.
- Байдан умут эте, джарлыдан ёгюз багъасы къорады.
- Кёрмегеннге кебек – танг, битмегеннге сакъал – танг.
- Намыс сатылыб алынмайды.
- Бичгенде ашыкъма, тикгенде ашыкъ.
- Тойгъан джерден туугъан джер игиди.
- Адеб этмеген, адеб кёрмез.
- Гугук кесини атын айтыб къычыргъанча, мен, мен деб нек тураса?
- Адамны артындан къара сабан сюрме.
- Сакъламагъан затынга джолукъсанг, не бек къууанаса, не бек ачыйса.
- Тёрде – темир таякълы, къаяда – чыпчыкъ аякълы.
- Ойнаб айтсанг да, эслеб айт.
- Ётюрюкню къуйругъу – бир тутум.
- Тюз сёз баргъан сууну тыяр.
- Ишни аллы бла къууанма да, арты бла къууан.
- Джангыз терек къынгыр ёсер.
- Насыб бютеу халкъны юлюшюдю.
- Кимни – тили, тиши онглу, кимни – къолу, иши онглу.
- Этни бети бла шорпасы.
- Ачлыкъ отха секиртир.
- Тешигини къатында, чычхан да батыр болур.
- Тешик этген тынчды, аны джамагъан къыйынды.
- Юре билмеген ит, къонакъ келтирир.
- Ашда – бёрю, ишде – ёлю.
- Хар зат кесини орнуна иги.
- Эл элде бирер малынг болгъандан эсе, бирер тенгинг болсун.
- Байлыкъ тауусулур, билим тауусулмаз.
- Адамны аманы адамны бети бла ойнар.
- Терслик кетер, тюзлюк джетер.
- Ашын ашагъанынгы, башын да сыйла.
- Элни кючю – эмеген.
- Ауузу аманнга «иги», деме.
- Ариу джол аджал келтирмез.
- Рысхы джалгъанды: келген да этер, кетген да этер.
- Ата Джуртун танымагъан, атасын да танымаз.
- Окъумагъан сокъурду, сокъур ташха абыныр!
- Акъыллы – эл иеси, тели – эл баласы.
- Элге къуллукъ этмеген, элге ие болмаз.
- Нёгерсизни джолу узун.
- Ач уят къоймаз.
- Иги – алгъыш этер, аман – къаргъыш этер.
- Эл тойса, тоймагъан, эл къойса, къоймагъан.
- Джогъун бар этген, барын бал этген.
- Уллу сёзде уят джокъ.
Ссылки по этой теме
|
|
|
|
|
|
|
Саубол, пригодилось)))) :smt006
|
|
|
|
|
|
добавлю сюда ссылку, которую нашла сегодня...
|
|
|
|
|
|
www.karachays.borda.ru здесь верная информация по Аланам и нашей истории в целом.
|
|
|
|
|
Читают тему (гостей: 1)