- Алтыда кюлмеген, алтмышда кюлмез.
- Хар адамгъа кеси миннген тау кибик.
- Тойгъанлыкъ къойгъа джарашады.
- Тамырсыз терекге таянма – джыгъылырса.
- Ач къарынны, токъ билмез
- Иги бла джюрюсенг, джетерсе муратынга, аман бла джюрюсенг, къалырса уятха.
- Джеринден айырылгъан – джети джылар, джуртундан айырылгъан – ёлгюнчю джылар.
- Тай асырагъан, атха минер.
- Эки итни арасына сюек атма, эки адамны арасында сёз чыгъарма.
- Къонагъы джокъну – шоху джокъ.
- Чыбыкълыкъда бюгюлмеген, къазыкълыкъда бюгюлмей эди.
- Байлыкъ адамны сокъур этер.
- Ойнай билмеген, уруб къачар.
- Намысы джокъну – дуниясы джокъ.
- Ач да бол, токъ да бол – намысынга бек бол.
- Уруну арты – къуру.
- Мураты болгъанны джюрек тебюую башхады.
- Къолу уллу – асыу, аягъы уллу – джарсыу.
- Эрине къаргъыш этген къатын, эрнин къабар.
- Ханы къызы буюгъа-буюгъа киштик болду.
- Бети къызарыучу адамны, джюреги харам болмаз.
- Уллу къазанда бишген эт, чий къалмаз.
- Юй ишлеген балта эшикде къалыр.
- Садакъачыны джаны – къапчыгъында.
- Урама да – ёледи, сатама да – келеди.
- Айырылгъанланы айю ашар, бёлюннгенлени бёрю ашар.
- Байлыкъ болгъан джерде, тынчлыкъ джокъду.
- Ач уят къоймаз.
- Джашда акъыл джокъ, къартда къарыу джокъ.
- Агъач халкъгъа алтынды, иссиликге салкъынды.
- Хантына кёре тузу, юйюне кёре къызы.
- Айтылгъан буйрукъ, сёгюлмез
- Къоркъакъны кёзю экили кёрюр.
- Ёлген ийнек сютлю болур.
- Къобан да къуру да къобханлай турмайды, адам да къуру да патчахлай турмайды.
- Акъылсызны джууукъгъа алма, акъыллыны кенгнге салма.
- Ата джурт – алтын бешик.
- Къалгъан ишге къар джауар.
- Кийимни бичсенг, кенг бич, тар этген къыйын тюлдю.
- Джаш болсун, къыз болсун, акъылы, саны тюз болсун.
- Бойнуму джети джерден кессенг да, мен ол ишни этеллик тюлме.
- Къарыусузгъа кюлме, онгсузгъа тийме.
- Къонакъ аз олтурур, кёб сынар.
- Дууулдаса – бал чибин, къонса – къара чибин.
- Ашда уялгъан – мухар, ишде уялгъан – хомух.
- Ишлегенде эринме, ишде чолакъ кёрюнме.
- Рысхысына кёре, джаш ёсер, къышлыгъына кёре, мал ёсер.
- Алгъанда – джууукъ, бергенде – джау.
- Окъугъан – асыу, окъумагъан – джарсыу.
- Бозанг болмагъан джерге, къалагъынгы сукъма.
